بعد رده على ويجز..رامي صبري يتصدر تريند "جوجل"
تصدر الفنان رامي صبري، مؤشرات الأكثر بحثًا على موقع “جوجل”، بعد رده على مطرب الراب، بعدما أعلن عن غضبه الشديد بعد ذكر اسمه عبر إحدى الإذاعات.
وكتب رامى صبرى، عبر خاصية ستورى على حسابه على إنستجرام، قائلًا: "يا ويجز يا حبيبى أنا قلت أنا بسمعك وبحب شغلك ولكن مش بفهم الكلام وده ميقللش من شغلك بالعكس أنت شاطر جدًا ومجتهد وناس كتير بتحب شغلك وما تفهمش كلامى غلط".
وكان ويجز كتب عبر خاصية ستورى على حسابه بإنستجرام، قائلًا: "هو الفنانين مينفعش يطلعوا فى البرامج يتكلموا عن نفسهم، لازم اسمى يتحط فى جملة.. ماتبص فى ورقتك".
جدير بالذكر أن رامي صبرى، حل ضيفًا على راديو إنرجي، الأيام الماضية، وتحدث عن ويجز قائلا: "مش بسمع مهرجانات خالص، أنا رجل متخصص في المزيكا، ودرست تأليف موسيقي وأذني لا تستحمل المهرجانات فهي تحمل دوشة في الكلام، وفيه بمصر راب لكن مفيش تراب لكن اللي بيعجبني ويجز ولكنه دائما مش بيقول حاجة، ومش بيقول كلام، وويجز بيعمل موسيقى ممكن أسمعها ومقلدها من بره، لكن مش بسمع مهرجانات"
