طليقة خالد عليش تهاجمه مجددًا:" بيستغل اسمي واسم بنتي في حروب وتريندات مالناش دعوة بيها"

قامت الفنانة ميما شامي، طليقة الفنان والمذيع خالد عليش، بمهاجمته مجددًا بعدما قال أنه ممنوع من رؤية ابنته.

وكتبت ميما عبر الاستوري الخاص بحسابها على موقع "إنستجرام":" للاسف أنا بقالي فترة بيتم استغلال اسمي واسم بنتي في حروب وتريندات مالناش دعوة بيها، وكنت ماسكة نفسي عن عدم الرد مهما حصل، وهرد على نقطة إنه بيصدر للإعلام إن البنت ممنوعة منه وهو هيموت ويشوفها، ومش هتكلم عن أي حاجة تانية".

وتابعت قائلة: "بعد الطلاق الرسمي اتفقنا على رؤية البنت وكان بيشوفها بانتظام وبشهادة كل الناس وبشهادة المدرسة وفجأة في عيد ميلاد البنت عرفت إن في قضية مرفوعة من شهر 12 ومكنش معايا أي محامي لإني تنازلت عن كل القواضي مقابل قضية جنائية كان رفعها عليا”.

وأضافت:“ الأمور وصلت لأنه بيتكلم مع أمهات أصحاب ميما في المدرسة وبلاقي ناس قاعدة بتتكلم معايا وعليى بنتي في أدق التفاصيل وأتمنى عدم الضغط عليا بسبب الصور في أي حاجة تخص ميما بلاش اضطر أرد”.

ويأتي ذلك بعدما نشر خالد عليش صورة له مع ابنتهما عبر حسابه الرسمي على موقع "إنستجرام"، وعلق خالد، على الصورة، قائلًا: "في موقف حصل في آخر ٢٠١٥ عمري ما انساه كنت راكن عربيتي في مكان وكنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من اودام وحك العربية من معظم الأماكن كنت راجع البيت مش طايق نفسي حرفيًا بس اول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا ف ضحكتلها أنا كمان ونسيت كل اللي مضايقني اكتر حاجة مفتقدها هي الابتسامة البريئة ديه وحضنها الدافي بصوابعها الصغنونة قبل النوم ربنا يجمعني بيكي علي خير دايما ويوفقني في اي قرار يخصك”.