علي الحجار يروي موقفا طريفًا بينه وبين محمد الحلو

أستضاف الفنان أمير كرارة  علي الحجار ومحمد الحلو في برنامج "سهرانين" الذي يتم عرضة على قناة ON.

وتحدث محمد الحلو عن هواياته قائلا: “بحب صيد السمك، واصطدت قبل كده قرش وزنه اكتر من 200 كيلو”.

وقال على الحجار: “أنا هوايتي الرسم وهى أصلا دراستي لأنى خريج فنون جميلة، وانا لغاية دلوقتى برسم وحاليا بحضر لمعرض انا وبنتى لأنها كمان رسامة".

وتحدث الحجار والحلو عن المواقف التي جمعتهما، وقال على الحجار: "كان في شخص باع ليا أغنية بلادى وباعها كمان لمحمد الحلو وبقيت الأغنية بتاعتنا احنا الاتنين فكنا بنغنيها إحنا الاثنين في نفس الحفلة".

وأضاف الحجار: "وحصل خلاف بينا وقتها بسب أن كان في مطرب تالت نفسه يغنيها معانا وكل يوم بيتاحيل عليا، وقعدت كتير اقنع محمد الحلو وهو كان رافض وقلت له مجاتش من يوم لغاية لما اقتنع وفعلا طالع غناها معانا وبوظ الأغنية ومحمد وقتها قالى هضربكوا انتوا الاتنين".