منة عرفة عن زوجها: مينفعش حد يتشهر أكتر لأن كل واحد فينا ناجح في مجاله

كشفت الفنانة منة عرفة، سبب قبولها الزواج من زوجها الفنان محمود المهدي، رغم زواجه مرتان قبلها وإنجابه أطفالًا.
 

وقالت منة عرفة خلال لقائها مع الإعلامي نزار الفارس ببرنامج مع الفارس: "ليه تتجوزي راجل متجوز مرتين وعنده أولاد؟، لترد منة عرفة، قائلة: أنا واحدة أول مرة أتجوز ويبقا عندي راجل أبقى مسئولة منه، محمود عشان اتجوز قبل كدا فعنده الخبرة دي، بيعرف يتعامل مع الست إزاي".
 

وأضافت منة عرفة: " محمود عارف يعني إيه مسئولية، والدنيا كلها مطلقة، ولو اتطلقنا في المستقبل دا هيبقا نصيب، مش لأنه طلق قبل كدا".

وأوضحت أنها قررت عدم الظهور مع زوجها في لقاءات صحفية أو إعلامية، حيث ردت قائلة: " مش هو اللي رافض بس، أنا كان عندي رفض تام، وواخدين قرار أننا منعملش أي لقاءات صحفية أو تليفزيونية ثاني، لأن لقينا حياتنا أهم من كل الكلام اللي هيحصل، أحنا اللي عملنا كده للأسف ولازم نتعلم من خطأنا، مفيش حد يتشهر أكتر لأن كل واحد فينا ناجح في مجاله".