عبد الباسط حمودة: الجيل الصغير لازم يفهم يعني إيه موسيقي واتعلمت المزيكا من الشارع
كشف المطرب عبد الباسط حمودة تفاصيل بدايته في عالم الغناء، بداية من قبوله في اختبارات نقابة المهن الموسيقية.
وقال “حمودة” من خلال لقائه على القناة الفضائية الأولى المصرية: "عندما دخلت المهنة امتحنت على أيد ناس تخض زي، سيد مكاوى وحلمى بكر، وعمار الشريعى، وعفاف راضى،واتعلمت المزيكا والغناء من الشارع مش هقولك أنا خريج معهد".
وتابع قائلا: “الناس كلها كانت تحب بعض وكنا نتجمع كلنا على قهاوى محمد على ما كانش في غيرة خالص كان في محبة ولو ما جيتش كنت اروح اسأل عليك، والعزبى كان يقولى انت جميل بس اعمل كذا وكانوا بيحبونا وبيشجعونا وكنا بنتقابل في شغل وكنا نسأل على بعض وناكل مع بعض ولا في غيرة والكلام اللى بنسمعه”.
وأضاف: “الجيل الصغير لازم يفهم ايه معنى الموسيقى لأن الموسيقى هما الاجنحة واحنا اللى بنطير عليها هو اللى بيمتعنى واللى بيخلينى اغنى، وانا وعدوية ما درسناش والشارع هو اللى علمنا وكان لازم البدلة والكرفتة وما كناش نقدر نلبس الجينز، لكن الدنيا اتغيرت وبقى في ترينج وتيشيرت”.
