أدم الشرقاوي: جاتلي فرصة لعب دوري في "لعبة نيوتن" بالصدفة
حل الفنان أدم الشرقاوي ، ضيفا في برنامج "صاحبة السعادة" الذي يقدمه الإعلامية إسعاد يونس الذي يعرض على قناة dmc.
وتحدث عن كواليس مشاركته في مسلسل لعبة نيوتن مع منى زكي، وكشف آدم عن أصعب مشهد في المسلسل.
وقال أدام الشرقاوي: "أنا جاتلي فرصة مسلسل لعبة نيوتن بالصدفة، لأنهم كانوا عايزين حد بيتكلم إنجليزي كويس وعربي مكسر عشان الدور، وكنت متوتر أوي، بس هما كانوا متعاونين معايا جدا وفهموني كل حاجة وعملت تجارب أداء وأستاذ تامر محسن شافني، وقالي تعالى مصر عشان نبدأ، والدور كان المفروض صغير أوي بس لقيت الموضوع كبر".
وتابع قائلا: "أنا كنت عارف منى زكي، وشوفتها في فيلم صعيدي في الجامعة الأمريكية وماما بتحبها أوي ولما قولتلها كانت فرحانة جدا ومش مصدقة لأنها بتعشقها، ومكنتش عارف بقيت الممثلين وبعد كدا ذاكرت وعرفتهم".
كما تحدث عن أصعب المشاهد مضيفا "وأصعب مشهد هو مشهد الباب أنا مع فراج وعملنا المشهد دا كتير عشان لازم ناخده من كذا زاوية، وكان لازم أقاوم فراج وأمنعه من الدخول، وهو كان عايز يدخل بالعافية، وكنا بنزق بجد، وأنا عرقت وتعبت فعلا، وكمان أول مشهد في العربية مع منى زكي كان صعب شوية لأن العربي بتاعي كان ضايع".
يذكر أن مسلسل "لعبة نيوتن" من بطولة مني زكي، محمد ممدوح، سيد رجب، عائشة بن أحمد، مايان السيد، أدم الشرقاوي، أسامة الهادي.
