إداورد يكشف تفاصيل مؤلمة في أول يوم بعد إصابته بكورونا
كشف الفنان إدوارد تفاصيل إصابته بفيروس كورونا، وذلك بعد إثارته قلق جمهوره في صباح اليوم الخميس من خلال منشور عبر حسابها على موقع التواصل الاجتماعي “فيسبوك”.
وكتب إدوارد في منشوره قائلا: “هحكيلكو علي اول ليله مع الكرونا بما إنه ا اول مره تجيلي وطلعت منها بايه ليله صعبه جدا تعب في الجسم ذي ما يكون حد بعزبك وبدوس علي كل حته في جسمك وصداع نفسك يغمي عليك عشان تخلص منه ورعشه فظيعه وطول الليل بقول يارب مش هنكر في لحظه فكرت في الموت والناس اللي ماتت من الكرونا صدقوني ماخوفتش من الموت خوفت علي مراتي وولادي وعيلتي وانهم مسئولين مني ولازم ابقي موجود عشانهم ولازم اصلي لربنا عشان يقومني اكمل وحسيت اني فقدت شغف كل متع الحياه مش عاوز حاجه عاوز اكون كويس عشانهم بس انا من النوع اللي بحب الناس وبحب الحياه وبحب الاصحاب”.
وتابع قائلا: “ انبسط كتير أو ي لما لقيت ناس كتير سالو عليا اعرفهم وماعرفهمش وعاوزين يساعدوني في محنتي باي شكل ومنهم فنانين كبار بجد و اعلاميين كبار بجد ربنا يباركلكم في صحتكم وعيليتكم كمان اكتشقت قد ايه مراتي انا غالي عندها مش هممها كرونا ولا مش كرونا قاعده جنبي تعملي كل حاجه تريحيني قد ايه انتي ست عظيمه جالك كرونا ومقولتليش السنه اللي فاتت عشان كنت بشتغل ومش عاوزه تشغليني بيكي مكنتش عارف إنه ا صعبه للدرجه دي بجد انتي جبل انكً استحملتي وكنتي واقفه كمان تخدمينا وتشوفي طلبتنا انا اسف اني محستش بيكي في الوقت ده اوعدك اقوم واعوضك عن كل ده الحياه مش مستاهله غير انك تعيش مع ناس بتحبها وتحبك وتخاف عليك دي الخلاصه اني فقدت الشغف في متع الحياه عاوز اعيش مستور انا وعيلتي ويكون حواليه ناس بحبها وبتحبمي ونتمني لبعض الخير وبس في ليله واحده الدنيا علمتني كتير ربنا يبعد عنكم اي حاجه وحشه”.
