زوجة أمير طعيمة تعلن إصابتها بورم: الدكتور قالي إزاي عايشة كده

أعلنت جيني طعيمة، زوجة الشاعر الغنائي أمير طعيمة، إصابتها بورم، منذ عدة أشهر، كاشفة تفاصيل عرضها على أكثر من طبيب والنتيجة النهائية التي وصلت لها.

وكتبت جيني طعيمة، على صفحتها الشخصية موقع التواصل الاجتماعي "فيس بوك": “من حوالي سنة ويمكن أكتر وأنا تعبانة وبأجل مشوار الطبيب وبقول بطلي دلع وباخد مسكنات، والدنيا ماشية، من تقريبا كده 4 شهور وتدهور رهيب ومتماسكة، وبقول أفضي بس كده وأشوف مفيش صحة تمامًا الجسم كله مأذي لدرجة إني مش فاهمة أنا إيه اللي بيجري لي”.

أكملت جيني: “لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح كشفت والصدمة إيه ده يا مدام هو حضرتك إزاي عايشة كده وتفاصيل كتير في الكشف وقالي محتاج جراحة بس محتاج الأشعة والتحاليل دي وحالً”ا.

تابعت: “أدركت إني فعلا في حتة مش تمام ومن فحوصات الأشعة الكلام اختلف 4 أطباء من جامعة عين شمس والقاهرة وطب الأزهر عشان دقة الجراحة”.

كل واحد كان بيبعت لزميله الأهم للتشخيص ويقولي معلش ناخد رأي شيخنا ومعلمنا الدكتور فلان أفضل لسلامتك أصبري وتحملي.

وأضافت جيني: “وقت الجراحة اكتشفنا إنه ورم وحجمه كبير بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث.. وبكل أمانة ما كانش بيتقال غير دي بنتنا وعايزين نحافظ عليها”.

واختتمت حديثها قائلة: “الحمد لله النتيجة النهائية إني بخير وسعيدة بشكر كل أيد من الأيدي الطيبة اللي ساعدتني وصبرت عليا بعرف إن ربنا بيحبني من المواقف دي مش من أي حاجة تانية وأكتر كلمتين بيطمنوني من الناس البسيطة اللي بتقولي أوعي تخافي ربنا هيجبر بخاطرك عشان أنتي مفيش حد بتزعليه أبدًا”.