بيومي فؤاد: كنت دائما بحب من طرف واحد.. وبكره الكلام في التليفون
كشف الفنان بيومي فؤاد، عن تفاصيل حياته الزوجية، وكيفية تعرفه على زوجته، مشيرًا إلى أنه تزوج في سن مبكرة، قائلًا: «كنت مستصغر نفسي على الجواز على طول وكنت بتكسف أقول لاي بنت انى معجب بيها، ولهذا السبب تزوجت على كبر، وكنت دائما بحب من طرف واحد».
واستكمل، خلال لقائه مع الإعلامي عمرو الليثي، مقدم برنامج «واحد من الناس»، المذاع عبر فضائية «الحياة»، مساء الاثنين، أنه يخفي بعض الأمور على زوجته، ومنها السجائر، متابعًا: «من الحاجات اللى بخبيها عليها انى كل سنة كنت بوعدها انى مش هعمل مسلسلات في رمضان، واخفي عليها وبعدين بمضي شغل في رمضان، وزوجتى ما تعرفش انا رايح فين وجي منين».
وأضاف، أن طوال فترة زواجه، لم تتجسس زوجته عليه، أو على هاتفه، قائلًا: « عمر زوجتى ما اتجسست عليا، والحمد لله لم يتم كشفى في حاجة لحد دلوقتى لأن مراتى زعلها وحش أوى والحمد لله ما جربتش لحد دلوقتى».
وأوضح أن من أكثر الأفعال التي لا يحبها هي التليفون، مضيفًا: «بكره الكلام في التليفون، ومعرفش أجيب دباديب، وأنا ومراتى عمرنا ما قولنا لبعض في عيد جوازنا كل سنة وانتى طيبة، وفي أعياد الميلاد اهتمامنا اكتر بولادنا».
وتابع، أن من أهم قواعد الحياة الزوجية هي عدم الوقوف على الأمور الصغيرة، قائلًا: «أنا دائما عندى حدود وبحب الست اللى بتعمل حدود، وسر السعادة الزوجية في اللى ينفع تطنشه طنشه علشان تبقى لطيف، وعلشان الحياة تستمر، وكمان علشان لما تقوملك قومه يعرفوا إنه لسبب كبير».
