عايدة رياض تكشف أسباب طلاقها من محرم فؤاد

كشفت الفنانة عايدة رياض، أسباب طلاقها من الفنان الراحل محرم فؤاد، مشيرة إلى انشغالها في هذه الفترة بالعديد من الأعمال الفنية.

وقالت عايدة رياض، خلال لقائها ببرنامج "كلام الناس" الذي يذاع على شاشة mbc مصر، "الفترة دي رجعت فيها الشغل، وابتدى الشغل يجيب شغل، وأنزل السينما الصبح، وبعدين أروح المسرح، وكنت بنزل الصبح وأرجع الساعة 3:30 الفجر".

وأضافت: "كان بيضايق، وأنا ماصدقت رجعت تاني، هو افتكر لما يسمح لي أشتغل إني أشتغل عشان يسكتني شوية، ولكن الموضوع كبر، وبرجع متأخر وبلاقيه قاعد مستني ومتعصب، وعشت معاه في رعب، وكان بيتخانق ويقول لي البيت بقى بانسيون".

وتابعت: "رفض أنزل أوردر لمسلسل المال والبنون، لكني أصريت وحصلت مشادة عملت فيها إني مجنونة، ومسكت الأزايز وبقيت أخبطها، فقال لي انزلي ولمي هدومك، بعد خناقة جامدة قعدت ساعتين أو تلاتة، وروحت بشنطة هدومي للمخرج مجدي أبوعميرة".