راغب علامة: أشعر بالسعادة حينما يطلب مني الرجال التصوير مع زوجاتهم
أكد الفنان راغب علامة، أنه يشعر بالسعادة حينما يطلب منه الرجال التصوير مع زوجاتهم قائلًا: "أسعد جدا لما بيجي راجل بيطلب مني إن مراته تتصور معايا وبيقولي مراتي بتحبك وتلاقي الست فرحانة بجوزها أكتر مني طبعا لأنه حقق لها الحلم وكتير بتحصل".
وأضاف راغب علامة، خلال لقائه مع آسما إبراهيم في برنامج "حبر سري" المذاع عبر فضائية "القاهرة والناس": "آخر مرة واحد قالي بص لو مباستكش النهارده هتطلقني وده فرحني، لأن دي طيبة يعني مفيش نوايا مش حلوة، وأنا كده مع مراتي وهي لو بتحب فنان معين أنا بعرفها عليه وبحب أشوف عائلتي مبسوطين".
ومن ناحية أخرى نفى راغب علامة، خلال اللقاء ما تردد عن خوضه تجربة التمثيل، قائلا: "أنا لحد دلوقتي غير مقتنع بالتمثيل ومبسوط في مكاني ومش ضروري أكسر الدنيا في التمثيل وأنا اقتنع بالموهبة مش بالشهرة والتمثيل هياخد مني أكتر ما هيعطيني وأنا على المسرح بمثل الأغنية وبعيشها أما في التمثيل الممثل له حيثياته لأنها شغلة عظيمة وصعبة ولما بصور فيديو كليب بتعذب قدام الكاميرا".
