"كان المفروض يخلي السلبية هي الخِصم مش البلد".. للمرة الأولى الرئيس السيسي يتحدث عن فيلم "الإرهاب والكباب"

انتقد الرئيس عبد الفتاح السيسي، اليوم الاثنين، مضمون فيلم "الإرهاب ‏والكباب"، الذي قام ببطولته الفنان عادل إمام، لكونه "جعل البلد خصما".

وأضاف خلال فعاليات إطلاق المشروع القومي لتنمية الأسرة المصرية: ""فيلم الإرهاب والكباب صور المواطن بيشتكي وخلى البلد تظهر كخصم ومخلاش السلبية خصم، المواطن اللي مبيشتغلش هو اللي خصم، ولما حولت البلد لخصم بعض الناس في 2011 هدوها، ولولا فضل الله علينا وكرمه كانت هتبقى زي كل البلاد اللي انتوا شايفينها مقامتش تاني، اللي بيروح مبيرجعش، ولكن الله أفاض علينا بكرمه مش معقول نفضل زي ما إحنا بقا بعد كدا".

 وتابع الرئيس السيسي: "بدل ما تجيب فيلم الإرهاب والكباب وتجيب المواطن بيشتكى ونخلى البلد خصم، خلي السلبية هي الخصم.. ده المفروض".