عمر كمال يدافع عن كوكسال بابا ويؤكد: عقل طفل

دافع المطرب الشعبي عمر كمال،  عن البلوجر التركي المشهور كوكسال بابا، بعد حالة الجدل التي أثارها عقب زيارته لمصر، وقام بمشاركة صورة تجمعهم سويًا.

وقال عمر كمال عبر حسابه بموقع التواصل الاجتماعي "فيسبوك": " الناس ظالمة الراجل العسل ده، ده راجل ربنا اصطفاه إنه يعيش عنده مرض نادر واللى زيه بيموتوا عند سن معين بس هو ربنا اختاره يعيش، ومر بظروف سيئة من فقر وموت أب وأم، وكمان عقله وقف نموه وفهمه عن سن معين، فراجل بعقل طفل".

وأضاف عمر كمال قائلًا: "صورت معاه 7 أيام فى تركيا ولاحظت إنه بيخاف جدًا من الزحمة، ومبيحبش إطلاقًا التصوير ولا الكاميرا الأغراب إلا لو أخد عليك ويعرفك ومش بيفهم لا عربى ولا إنجليزي ولا أو لغة غير تركى بس، كمان عشان هو في تفكير الطفل الصغير".

واختتم: "ماتضمنش رد فعله لأنه مش واعي وطبيعي للى بيعمله، هو مشهور بالنرفزة وطريقة كلامه والمشية بتاعته ورد فعله العصبي، فا محدش ياخد على رد فعله ويحاسبه عليه، كأنك بتتعامل مع طفل صغير أكيد مش هتزعل منه".

ويذكر أن عمر كمال قد طرح أغنية منذ أيام قليلة مع كوكسال بابا، تحت عنوان البنات وحققت ما يقارب من 2 مليون ونصف مشاهدة على موقع الفيديوهات يوتيوب.