رجاء حسين: انتصار السيسي ست محترمة.. ومتوقعتش اتكرم وأنا عندي 85 سنة

قالت الفنانة رجاء حسين، إن تكريمها أمس في يوم المرأة العالمي مميز، مؤكدة "التكريم ده كوم تاني، وانتصار السيسي ست محترمة مثقفة بسيطة صادقة، وعندها ابتسامة مميزة تخش قلبك بشكل غير طبيعي، زي ما السيسي واقف في ضهر المرأة وبيديها الحقوق اللي اتحرمنا منها، واقفة جنبه لكن لا تعلن عن نفسها".

وتابعت خلال مداخلة هاتفية لها في برنامح "مساء Dmc" ومن المقرر عرضة علي قناة dmc الذي تقدمة الإعلامية إنجي القاضي "وهي تناصر المرأة سواء فلاحة أو صعيدية بشكل غير طبيعي، وهي متكتمة جدا ومبتقولش حاجة أبدا، هي محترمة، وأنا مكنتش متوقعة في سني الـ85 بأن ليا تكريم، وحرم رئيس الجمهورية هي اللي كرمتني".

وأضافت "أنا منمتش من امبارح من الفرحة، أنا ست كبيرة لكن عيلة، زي فستان العيد لما يجيلك وتفضلي حاضنة للصبح، هي دي مشاعري للتكريم اللي حصل معايا".

وشدت رجاء حسين على أنها لم تصدق نفسها بالتكريم الذي حصلت عليه في يوم المرأة العالمي، الذي كرمت فيه السيدة انتصار السيسي، قرينة الرئيس السيسي، السيدات.