"استمرت 3 شهور".. حورية فرغلي تكشف عن تجربة زواجها السابقة

كشفت الفنانة حورية فرغلي، عن تجربة زواجها السابقة، إنها تزوجت لمدة ثلاثة أشهر فقط.

وقالت حورية فرغلي، خلال لقائها مع الإعلامية آسما إبراهيم في برنامج "حبر سري" المذاع عبر فضائية "القاهرة والناس": "اتجوزت 3 شهور بس وكنت مخطوبة قبلها من حب عمري ومات قبل فرحي بيوم ولما جيت مصر ماما كانت عايزة تطلعني من اللي أنا فيه فدخلتني مسابقة ميس ايجيبت وكانت بتاخدني النادي كل يوم".

وأضافت: "هو شافني في النادي واتعرف على مامي واتقدم لي وحصل جواز ومكنش فيه حب وإحنا أصحاب قوي على فكرة لحد دلوقتي وبيحلف بالبامية بتاعتي وهو اتجوز وخلف ومبسوط وأنا مبسوطة اني شفته مبسوط".

وأكدت أنها لا تعيش قصة حب حاليًا قائلة: "في سن معين عايزة تحبي وتتحبي والحب ده زي الهوا وانتي تعرفي البنت بتحب ولا لأ من عنيها لما عنيها تبقى بتبرق ومبتسمة وبيبان عليها إنها في علاقة وأنا للأسف بعيدة عن الحاجات دي بقالي كتير حتى مبتعاكسش في الشارع".