محامية سيد رجب: المهنية تفرض عليا الصمت

كشفت محامية الفنان سيد رجب تفاصيل، حول أزمته مع زوجته والتي آثارت الجدل الأيام الماضية.

وكتبت عبر حسابهاعلى موقع التواصل الاجتماعي “فيسبوك” قائلة: "كلمتين نفسي أقولهم من إمبارح، سيد رجب قبل ما يكون الفنان المحترم، سيد رجب هو صديق العمر، وعشرة الأيام الصعبة من 1976، ولغاية النهاردة هو ابن البلد الجدع البسيط، ابن الناس المصريين الطيبين، وهو بالنسبة لي مش مجرد موكل محترم، ولا صاحب حق، ولا حاول بكل الطرق أنه يحل أي خلافات متوقعة، قبل ما تبتدي أصلا.

وأضافت: “ لا هو أخ وصديق غالي، ومحترم وأب جميل وحنون، وعبد الحميد في أبو العروسة هو اللي يشبه سيد، مش سيد اللي بيمثل دور عبد الحميد، وأنا لولا الملامة، كنت تكلمت كتير، لكن المهنية وآدابها تفرض علينا الصمت، وعشان كده أنا بشكل شخصي حزينة جدًا من إمبارح لأن الظلم وحش”.

واختتمت قائلة: “ أصعب حاجة أنك تقرر متردش، رغم أنك تملك كل الردود اللي توضح الحقيقة، لكن تعض لسانك وتسكت لأن الخلاف مطروح أمام المحاكم، واحترامًا للقانون علينا انتظار القول الفصل وأحكام المحاكم.. ما علينا يا سيد يا رجب يا صديقي، اللي ما بيكسرش بيقوي، وياما يا صديقي في مشوار عمرنا ما دقت على راسنا طبول.. اشتدي يا أزمة تنفرجي”.