أحمد فلوكس يهاجم أشرف زكي: "تاخدني في حضنك ليه يامعلم هي مراتك فين"
خرج الفنان أحمد فلوكس يدافع عن نفسه ضد الاساءات التي تعرض لها من ضيوف الإعلامية بسمة وهبة وذلك بعد مكالمة هاتفية تلقاها من نقيب المهن التمثيلية الدكتور أشرف زكي يناشد فيها "فلوكس" بإنهاء خلافاته مع بعض نجوم الوسط الفني.
وبعد إنتهاء المكالمة رد "فلوكس" من خلال بث مباشر عبر صفحته الشخصية على موقع التواصل الاجتماعي "فيسبوك" قائلًا « نقيب المهن التمثيلية الدكتور أشرف زكي كلمني في التليفون بيقولي تعالى نفتح صفحة جديدة وتنهى الخلافات فرديت عليه قولتله أنا معنديش مشاكل مع حد أنا كان مُجمل كلامي أن أحنا ميصحش نعمل أعمال فنية تعلم الجيل اللي طالع حاجات أحنا بنتحارب عشان منعملهاش في حياتنا».
وأضاف « طبعًا بيحكيلي الكلام دا بعد ما راح عمل حلقة مع أستاذة «معدمكش» وقبض تمن الحلقة، وهي قالت كلام وطبعًا هو مردش بس قالها أنا هاخده في حضني، تاخدني في حضنك ليه يامعلم هي مراتك فين؟».
واسترسل «حضرتك كنت فين لما المعد اللي جابك جاب أبويا وشربوه حاجة عشان يطلع بالمنظر دا، حضرتك كنت فين لما كان مرفوع عليا قواضي، أنت جيت مضتني شيكات بفلوس لمنتج عشان تشتري المنتج وتكسب وده وقولتي أنت خسرته، أنا مبخسرش فلوس ياريس لأن مبشوفش الناس زكايب».
وتابع «حضرتك كنت فين لما البرامج بتقعد تقطع فينا ولا بتروح زي الزبون تقفش تمن الحلقة وتقولهم هاخدهم في حضني، أنا مش عايز حضنك، أنا عايز حقي».
