"الناس بقت وحشة قوي".. عمرو عبد العزيز يهاجم منتقدي حفل زفاف محمد فراج وبسنت شوقي

هاجم الفنان عمرو عبد العزيز منتقدي حفل زفاف الفنان محمد فراج وزوجته بسنت شوقي، وذلك من خلال حسابه الشخصي على موقع التواصل الاجتماعي "فيسبوك". 

 كتب عمرو عبد العزيز منشورًا، قال فيه: "على الناس المريضة اللي بتكتب كلام وحش شبه وشهم كده على فرح فراج وبسنت، ليه يا جماعة الناس بتكتب كلام وحش، لتقل خيرًا أو لتصمت بدل ما تقولوا ربنا يسعدهم أو تتمنوا لهم الخير". 

وأكمل عمرو قائلًا: “ ليه بتقولوا كلام زي ده على اتنين في يوم فرحهم وتقولوا كلام يجرحهم، تخيلوا كده لو يوم فرح ابنك أو أخوك أو بنتك وحد كتب كومنت زي اللى انتوا كاتبينه ده وانتوا جيتوا بعد كده شوفتوا هيبقى إحساسكم إيه وقتها، منجرحش الناس وندايق الناس لو سمحتوا”. 

 واختتم كلامه قائلًا: " اتمنوا الخير والفرحة للناس، واحد وواحدة فرحانين أن ربنا كرمهم واتجوزوا بعد تعب ومجهود سنين، بجد الناس بقت وحشة قوي والخوف منهم بيزيد يوم بعد يوم".

والجدير بالذكر أنه قد احتفل الثنائي بحفل زفافهما مساء أمس الجمعة، وذلك بأحد الفنادق الكبرى بسهل حشيش في الغردقة، كما حرص على حضور الحفل عدد كبير من نجوم الفن أبرزهم الفنان أحمد داود وزوجته الفنانة علا رشدي، والفنانة هنادي مهنا، والفنان أحمد حاتم، والفنان إياد نصار وآخرون.