حسام داغر ينعى الراحل سمير صبري: "خفت تعمل العملية بس ربنا اختارلك الأحسن"

نعي الفنان حسام داغر النجم الراحل سمير صبري الذي رحل عن عالمنا أول أمس الجمعة الموافق 20 مايو، وذلك بعد صراع مع المرض.

ونشر حسام داغر صورة له برفقة سمير صبري وعلق عليها قائلا: "شفت الناس كانت زعلانة عليك إزاي في الدفنة، طب شميت ريحة الياسمين كانت عاملة إزاي في المدفن، كله كان بيدعيلك يا أبو قلب أبيض زي الأطفال، خفت تعمل العملية بس ربنا اختارلك الأحسن، في سرير الماريوت اللي كنت بتحبه ووسط حبايبك ودخلت تنام وروحك فاضت لربها".

وأضاف: "كل الخير اللي عملته مستنيك، كل الحب اللي زرعته هتلاقيه، شوفت الحسنات بالجبال، اه لو كل الناس تعرفك كويس، يااستاذ الأجيال يا متواضع يا متربي يا ابن الأصول يا راقي يا مثقف يا موسوعة، أول من شجعني، وأول من هنأني وأول من ندهلي باسمي من جيل الكبار مع السلامة يا كبير العيلة مع السلامة يا حبيبي مع السلامة يا أطيب خلق الله، مع السلامه يا استاذ سمير".

وأقيمت أمس صلاة الجنازة على الفنان الراحل سمير صبري من مسجد الشرطة بالشيخ زايد، وحرص على نعيه مجموعة كبير من نجوم الفن.