"المريض الحقيقي هو اللي معندوش طموح".. تامر حسني يعلق على مشهد من تأليفه في فيلم "مش أنا"
علق الفنان تامر حسني على المشهد الذي جمعه بالفنان صبري عبد المنعم، خلال أحداث فيلم “مش أنا” الذي قام بتأليفه، وذلك من خلال صفحته الشخصية على موقع التواصل الاجتماعي "فيسبوك".
نشر الفنان تامر حسني مقطع فيديو لذلك المشهد، وعلق عليه قائلًا: "مشهد الحمد لله من فيلم مش أنا يمكن أهم حوار كتبته في حياتي، واتمنى ياخد نصيب كبير أو ي في الإنتشار عشان واثق إن كلامه كتير منكم محتاجين يسمعوه وهيكون علامة جميلة لناس كتير محبطة ومستنية التشجيعه دي".
أضاف:"عشان يقوموا ويحققوا اللي ناقصهم لما يركزوا إن في ناس ظروفهم كانت اصعب منهم و قدروا يوصلوا وينجحوا،، يعني الموضوع فينا إحنا مش في الظروف ظروفك الصعبه دي ممكن تصنع منك بطل".
وتابع: "انت اللي هتحدد وهتقرر ظروفك هتصنع منك إيه قوم يلا ينفع تحلم تاني وعاشر الحلم ملوش وقت ولا سن والوقت مش متأخر ولا حاجه ومادم بتصحى من النوم بتلاقي نفسك عايش يبقى ربنا لسه عايزك وعندك مُهمه في الحياه قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي و زي ما كتبت في حوار الفيلم، المريض الحقيقي هو اللي معندوش طموح ".
