حنان ترك: "صعبت عليا نفسى إن صحابي زعلوا مني.. وقلت معقولة نسيوني للدرجة دي"
أعربت الفنانة حنان ترك، عن حزنها الشديد بسبب تصديق أصدقائها المنشورات التي تداولت الفترة الماضية على صفحات مزيفة انتحلت اسمها وكتبت أمورا غير حقيقية قائلة خلال بث مباشر على، وذلك عبر صفحتها الشخصية موقع التواصل الإجتماعي “فيس بوك: "صعبت عليا نفسى أوى ان ناس صحابى زعلوا منى عشان منشورات على مواقع التواصل الاجتماعى انا مليش علاقة بيها وعمرى ما قلتها، وقلت معقولة نسيونى للدرجة دى وممكن يفتكروا انى قلت الكلام ده، وأخدت على خاطرى منهم ولكن الحمد لله ان ربنا نصفنى وقدرت اوثق الصفحة بتاعتى".
وتابعت: "الصفحات التانية اللى كانت باسمى بدأت تتراجع، وانا عاوزة أقول لأى شخص كتب حاجة باسمى يحذف البوست لأنى هابدأ أخد إجراءات، وعايز أقول انى كمان عملت قناة على يوتيوب مفيهاش لسه حاجة ولكن سنتواصل من خلالها في بث مباشر واتكلم في شوية حاجات عنى وعن اولادى رغم ان وقتى ضيق لأنى في غربة وولادى مسؤوليتى".
ونشرت حنان ترك، مؤخرا تدوينة عبر صفحتها الشخصية موقع التدوينات الصغيرة "تويتر" قائلة "فى صفحات كتير بتتكلم باسمي وانا غير مسؤولة عنها حبيت اعملكو فيديو مباشر من صفحتي الرسمية على فيسبوك للتوضيح".
