هاني شاكر يكشف عن شروط التقدم لعضوية نقابة المهن الموسيقية

كشف الفنان هاني شاكر، نقيب المهن الموسيقية، عن شروط التقدم لعضوية نقابة المهن الموسيقية.

وقال في تصريحات تليفزيونية: " لازم شهادة تعليمية.. اللي مبيعرفش خالص يكون واخد محو الأمية وبيعرف يفك الخط على الأقل، ويكون مخلص تأدية الخدمة العسكرية".

وأضاف: "شعبان عبد الرحيم كان بياخد تصريح يومي ونجح وحقق نجاح كبير، ومطربي المهرجانات أداة ضغط السوشيال ميديا مدتهمش قوة".

وعن أزمته مع مغنيين المهرجانات الشعبية، وإيقافهم وإحالتهم للتحقيق من حين لآخر قال: "أنا مقلتش ده يغني وده ميغنيش.. أنا قلت اللي عايز يغني يروح للنقابة واللي مش عايز ينزل على يوتيوب، أنا ممنعتش حد، اللي غنى البطة ده مش هيعمل حفلة يعني، التصاريح عملية تنظيمية يكفلها الدستور المصري مينفعش نقابيًا إن أي حد يمتهن مهنة بدون ترخيص، واللي عايز يسمعهم موجودين على يوتيوب".

و كانت أعلنت في شهر سبتمبر الماضي إيقاف مغني المهرجانات حسن شاكوش، عن الغناء بعد تراشقه بالألفاظ مع المطرب الشعبي رضا البحراوي في حفل الساحل الشمالي الصيف الماضي، مما أدى إلى إيقافهما، وإحالتهما للتحقيق.