بشرى تستلم جائزة النجم الراحل سمير صبري في ختام مهرجان "تري كور" الفرنسي بالقاهرة
أعربت الفنانة بشرى عن سعادتها باختيارها لتسلم تكريم الفنان الراحل سمير صبري في ختام مهرجان تري كور الفرنسي بالقاهرة في دورته السادسة والذي أقيم في الجامعة البريطانية حيث قالت: "أنا بشكر جدا الجامعة البريطانية باختياري لاستلام تكريم عن أستاذنا الكبير والصديق سمير صبري".
وأضافت بشرى: "أنا عندي ذكرى هنا حلوة في الجامعة البريطانية لما جيت أتكرمت هنا مع الأستاذ سمير صبري وده كان شرف ليا كبير جدا لما التلميذ يتكرم مع الأستاذ ده بيدل عن الأستاذ عمل حاجة كويسة وعمل حاجة صح والتليمذ ربما كمان يكون عمل حاجة صح وكمل مشوار الأستاذ بشكل أو بآخر، وطبعا مفيش أي مقارنة بينا وبين التاريخ العظيم اللي أحنا شوفناه وأشكر الناس اللي عملت المادة الفيلمية
وتابعت: "بشكر كل الناس اللي عملت المادة الفيلمية، بالفيلم الجميل ده، والأستاذ سمير صبري أكبر من كدة بكتير وراد الكاميرا وخلف الكاميرا وفي حياته الشخصية بأسم روحه الجميلة أنا بشكركم وهو أكيد سعيد بهذا التكريم والتقدير منكم جميعًا، وكنت أتمنى أن الأستاذ سمير صبري يكرم من أكثر حاجة حبها في حياته هذه السينما ويكرم في مهرجان القاهرة السينمائي وأنا عارفة إنه كان يتمنى ذلك، وأن شاء الله ربنا يقدرني وأكمل حلمه أن أحنا نعمل السيرة الذاتية للنجم الكبير العظيم الفنان محمد فوزي ودي كانت من أحلامه أيضًا
كُرمت بشرى أيضا في ختام مهرجان تري كور الفرنسي من رئيس الجامعة البريطانية الدكتور محمد لطفي، وذلك تقديرا على مجهودها العظيم في مشاركتها بتأسيس مهرجان الجونة السينمائي.
