تعرف على أبرز تصريحات وفاء عامر في برنامج التاسعة
حلت الفنانة وفاء عامر، ضيفة في برنامج "التاسعة" مع الإعلامية شافكي المنيري، المذاع عبر القناة الأولى بالتلفزيون المصري.
ونقدم لك أبرز تصريحات وفاء عامر، خلال الحلقة، والتي تحدثت عن الفن وخارجه
- بحب محمد صلاح جدًا، وهو من برج الجوزاء زي، وأقول له كل عام وأنت بخير، يبعجبني في محمد صلاح إصراره.. بحس أن فيا كتير أوي من قصة كفاح صلاح.
- مشوني من مسلسل بوابة الحلواني وقالوا ليا مش هتشتغلي وروحت بشنطة هدومي بسبب المنتج الفني لأنه شاف أني مش لايقة على الدور وروحت بيتي مشي.
- دائمًا أقول للشباب، أنتم ما شفتوتش اللي شفناه في حياتنا، فجيلنا خاض رحلة طويلة جدا وأنا كفنانة أشعر بالناس جدا.
- مطمئنة على الشعب المصري، وأعرف أنهم جدعان وولاد أصول جدا فالست بمئة رجل، والرجل بألف ذراع.
- بيتي شكل مصر.. أنا ست زي أي ست مصرية.. ست بيت في الأول والأخر ما يفرش معايا يتريقوا لما بقول رز ومكرونة، هفضل أقول كده.
- إحنا بنشتغل كفانين ونستنا على فلوسنا مش عندنا الملاين والمليارات ما تسمعوش كلام إحنا زينا زيكم وبناكل زينا زيكم وبنقتصد زينا زيكم، وياما دقت على الراس طبول وهنفضل عايشين من خير بلدنا.
- الست القوية اللي مبتستسلمش وبتدور على حقها اللي ليها حق واللي ليه حق ومبتاخدوش يبقى متستاهلوش لإنه مش بتاعه وطول مانتي ليكي حق لازم تفضلي وراه، حتى لو وداكي للمحاكم.
- اللي بيتوبوا ويعتزلوا الفن عملوا إيه علشان يتوبوا منه.. إحنا بنقدم قيمة للمجتمع.. إحنا في كل صلاة بنقول اللهم اغفر لنا وتب علينا وارحمنا.
- بكيت عندما قرأت دور هلالة في "جزيرة غمام.. زعلت من نفسي بعد ما عيطت لأن الست هلالة في المسلسل الوحيدة اللي في المسلسل مش ممسوك عليها غلطة.
- الشر لم يستطع أن يأذي الست هلالة في المسلسل، وكانت شخصية جيدة جدا.. كواليس المسلسل كانت قاسية لأن المسلسل كان صعب، وكل من عمل بالمسلسل نجوم.
- بسبب مشاهد السحر في بيت الشدة، مضيفة: “قرأت بعض الطلاسم وهو ما أدى إلى معاكسات خلال المسلسل.
- خرجت من قبل في برنامجين وأكدت أني موافقة على زواج زوجي من أخرى، ولكن هذا يخصني أنا، لكن في العموم، هل ترضاه لأختك، لوالدتك أو ابنتك؟، بالتأكيد ستقع في التقصير وهذا ظلم للزوجة، أنا لا أشجع عليه، فالزوجة تقوم بكل الأدوار، الصديقة والطباخة وكل شيء.
- حضرت العديد من الدروس الدينية في بداية الألفية الثالثة، هو الحجاب دا الحجاب نلبس طرحة بس، ولا حجاب اللسان؟ هذه الدروس بعضها أفادني، ولكني لا اتخذ قرارات متسرعة، فالإيمان محله القلب، أنت حر ما لم تضر.
