رامي جمال لجمهوره :"الحب و الاحتواء ممكن يعدوا شبابنا من مشاكل الدنيا"
بعد زيادة حالات الانتحار.. رامي جمال يوجه رسالة توعية لجمهوره
وجه الفنان رامي جمال رسالة توعية لجمهوره، يطالبهم فيها بالابتعاد عن الأخبار السلبية، والتقرب من الله، وحسن اختيار الأصدقاء، وبضرورة اقتراب الأهالي من أبنائهم؛ لتفادي الجرائم وحالات الانتحار التي أصبحت تحدث بشكل كبير في وقتنا الحالي، وذلك من خلال حسابه الشخصي على موقع تبادل الصور والفيديوهات "إنستجرام".
نشر رامي جمال مقطع فيديو جديد له، قال فيه:" كلنا بنمر بمشاكل كتير كلنا بيجبلنا وقت كتير شايفين الدنيا ضلمت خلاص ومعدش ليها حلول والاكتئاب والمرض النفسي دول ابشع من المرض العضوي؛ لإنك بتبقى مبحوس جو نفسك محدش بيفهمك غيرك، ومافيش مشكلة ملهاش حل، ومافيش أزمة إلا وبعدها فرج من ربنا".
وتابع قائلًا:"نصيحة للأهالي ما تستهونوش لما ابنوكوا يبقى قاعد لوحده مبيتكلمش مع حد، ما تستهونوش لو حد قالكوا أنا مكتئب وزعلان دورنا نخفف عن بعض ونحتوي بعض؛ لإن ازمة الفقد
أكبر بكتير من إن احنا نحاول نتجنب شخص إنه زعلان، لو طاقة سلبية ابتلى بيها وظيفتنا نساعده يعدي منها ".
وأضاف:"بقول لكل اخواتي كل حاجة في الدنيا بتهون زي ما ربنا بيحطلنا ابتلاءات ساعات لو محكمناش عقلنا بيغلبنا الشيطان انا ياما شوفت مشاكل نهاية الدنيا، لكن ثقتي في إن فرج ربنا دايما جاي هو السبب في إن المشاكل بتعدي".
واختتم كلامه قائلًا:" تعالوا نساعد بعض الفترة الجاية نهون عن نفسنا في تقبل الابتلاءات بأنواعها تعالوا نحب بعض ونحسس بعض بحبنا لبعض مش بكلام اللي عنده اكتئاب بيحتاج طبطبة زيادة مش بس طب نفسي، والله ما من أزمة إلا بعدها فرج كبير".
وعلق رامي جمال على الفيديو قائلًا:" الحب والاحتواء وحسن التربية وأصدقاء جيدين وأهل يستوعبوا ممكن يعدوا بشبابنا من مشاكل الدنيا لمنطقة يشعروا فيها بالأمان، تعالوا نساعد بعض".
