محمود الليثي يوجه رسالة لهاني شاكر
محمود الليثي لـ "هاني شاكر":"انت أحلى حاجة ربنا بعتهالي في حياتي يا نجم"
وجه المطرب الشعبي محمود الليثي، رسالة للفنان هانى شاكر، نقيب الموسيقيين عبر صفحته الخاصة بموقع التواصل الأجتماعي "فيسبوك"، وذلك بعد حديث النقيب عنه فى أحد البرامج.
وكان هانى شاكر، قد قال عن محمود الليثي:"أنا بحب محمود الليثي جدًا، مطرب شعبي جميل صوته حلو، ودايما لما بيكلمني في التليفون يغنيلي أغاني من بتاعتي دمه خفيف جدًا، وبنقعد نتسلطن كده ونغني، حقيقي إحساسه حلو، محمود ربنا يوفقه دايما ويسعده دايما وأشوفه علطول ناجح".
ويرد محمود الليثي عبر حسابه الرسمي بموقع التواصل الاجتماعي "فيسبوك": "أقسم بالله وحياة ربنا إنت أحلى حاجة ربنا بعتهالي في حياتي يا نجم، ده أنا طول عمري بحبك وليا الشرف لما أمير الغناء العربي يقول كده عليا، حضرتك قيمة في الفن ده وربنا بعتك لينا".
و أضاف محمود الليثى: "والله العظيم أنا بحب حضرتك جدا جدا، ويارب يخليك لينا ويخلي لينا فنك اللي هو أجمل حاجة في حياتنا.. كلام كبير من أستاذ عظيم في الفن العلم الأستاذ الكبير هاني شاكر، كفاية روحك وأدبك وحبك لينا كلنا ونيتك الصافية، والله العظيم الكلام قليل على حضرتك".
واختتم محمود الليثى حديثه: "بحبك وربنا يديك الصحة والستر من الرحمن بحب حضرتك وإنت أغلى حاجة عندي، الأستاذ هاني شاكر نقيب المهن الموسيقية".
يذكر أن المطرب الشعبي محمود الليثى طرح أحدث أغنياته الجديدة التي تحمل اسم "اللي جرالي" في عيد الفطر.
وقام محمود الليثي بتصوير الأغنية في بلدين خارج مصر، هما الولايات المتحدة الأمريكية وانجلترا.
ويستعد المطرب الشعبى محمود الليثى لتقديم أغنية جديدة تحمل اسم اللى أنا عشت، وهي الأغنية التي يتعاون فيها مع رضا البحراوي.
