أيمن القيسوني عن برنامج "الدايرة": مش شخصيتي.. ومكنتش مهتم بالتمثيل

قال الفنان والإعلامى أيمن القيسونى، إنه ولد لأب مصرى وأم لبنانية ومن مواليد القاهرة.

واضاف خلال إستضافته في برنامج "من مصر"، الذي تقدمة الإعلامية ندى رضا، على قناة  CbC: “أهلى بعتوني إنجلترا عشان أخلص دراستى وأنا عندى 9 سنين، بدأت اشتغل فى عرض الأزياء وبعدين الفيديو كليب وبعدين التمثيل”.

وتابع: "ما كانش عندى أصدقاء فى مصر وكنت بنزل أعمل إعلان أو اتنين وارجع تانى على إنجلترا، وما كنتش بفكر فى تقديم البرامج أو التمثيل كنت مهتم بالموديل كهواية، وبعدين كلمونى من لبنان علشان أبقى مذيع، ما كنتش أعرف أن حجم البرنامج هيبقى كبير".

وأضاف: "وكنت بعمل اسكتشات فى برنامج كوميدى فى لبنان، وفى 2021 بدأت فى التمثيل وجيت على مصر طارق الجناينى قالى تعالى نعمل برنامج مع بعض وعملنا الدايرة وبرنامج الدايرة مش شخصية أيمن القيسونى أنا بحب ألعب واضحك وكانت تجربة لطيفة".

وأكمل حديثة قائلا: "كنا بنصور 4 حلقات فى اليوم واليوم اللى يلعب فيه الأهلى والزمالك صورنا الـ4 حلقات فى 6 ساعات، والمواقف التى تحدث بين أى راجل وزوجته مثلا أنا بخش ارمى الجزمة على الرغم أن مراتى عملت دولاب جنب الباب برضه أنا برمى الجزمة جنب الدولاب ده، أنا وزوجتى أصحاب وفكرنا كثيرا أننا نعمل حاجة مع بعض، واحنا عيلة طول الوقت بنهزر ونضحك والنهاردة نزلت مقلب خوفت والدتى، وبطبعى بحب أهزر وأخلى العالم تضحك وبحس أننا كاسرة نقدر نخطف الناس ونضحكهم لمدة نص ساعة".