أول تعليق من رامي صبري على انتقادات أغنيته "انتي جنان"

رد الفنان رامي صبري، على الإنتقادات التي توجهت له عقب نشر البرومو الترويجي لأحدث أغانيه التي تحمل عنوان "أنتي جنان"، وذلك من خلال منشور عبر صفحته الرسمية على" فيس بوك".

حيث أنها نشر صورته وعلق عليها قائلًا: "حبايبي مساء الفل عليكم 
انا عارف ان اغلبية الاغاني اللي بنزلها بتبقي غريبه عليكم وعلي اللي متعودين عليه مني. ولكن انا شخص بيحب التطوير في الشغل يعني عمرك ما هتسمع مني اغنية شبه التانية ابدا وده تميزي بين الاخرين.

وتابع: "اغنية انتي جنان اغنية جديدة عن المسموع تماما من حيث الكلمه واللحن والmusic بتاعتها توزيع (جلال الحمداوي) وده موزع مغربي عربي عالمي. 
المقصود ان انت جاي هنا تسمع حاجه ( مختلفه)".

وأضاف: "وجديده عمري ماهقدر اسمك قديم عايز قديم عندك مغنيين كتير أو ي واحسن مني كمان. ولكن صدقني انا من الفنانين المتجددين وليس من الفنانين اللي بينزلو اغاني جديده فقط".

واختمم حديثه قائلًا: "اغنيه انتي جنان اغنيه جمبله اغنيه صيفيه مبهجه افرحو واتبسطو بيها وبلاش انتقادات وخلاص، ملحوظه ليه كتبت البوست ده ؟ علشان اللي مش فاهم يفهم مين بيعمل ايه رامي صبري".

وفي سياق متصل، أعلن رامي عن موعد طرح الأغنية من قبل وقال: "‎انتي جنان يوم الخميس ٧ /٧ على جميع المنصات والقناة الرسمية على يوتيوب".

ويقول مقطع من الأغنية: "انتي في الشتا باريس اووبا مودك احلى من المالديف وأوبا الجمال ده مش خفيف ده طلقة انت جايه منين".