أبرز تصريحات دينا الشربيني في برنامج "Abtalks"

حلت الفنانة دينا الشربينى كضيفة على برنامج "Abtalks" الذي يقدمه الإعلامي الأماراتي أنس بوخاش وذلك عبر قناته الرسمية على موقع الفيديوهات العالمي والشهير "يوتيوب".

وتحدثت خلال اللقاء عن أمور تخص حياتها الشخصية وكشفت بعض الأسرار والكواليس بداخلها أيضًا، وكما عبرت عن وجهة نظرها في أشياء مختلفة مما جعلها تتصدر التريند عقب إذاعة الحلقة مباشرة.

دينا الشربيني تتحدث عن طفولتها

تحدثت دينا خلال الحلقة عن طفولتها وقالت" طفولتي كانت حلوة أوي حتى الجامعة كنت طفلة شقية وعندية وزنانة، وبقول يا رب لو خلفت عيال ما يطلعوش زنانين، بس أكيد ربنا هيردهالي، أهلي كانو كويسين أوي وعشان مكنش حد في سني كانو هما أصحابي لان اخواتي أكبر مني بكتير".

أسوء صفة في دينا الشربيني

تحدثت دينا خلال اللقاء عن صفة تتمنى أن تغيرها وهي العصبية المفرطة وقالت: "مامتي عصبية وأنا واخواتي كلنا عصبيين إلا أخت يعني أختي الوسطانيا ممكن تمسك نفسها بس لما بتطلع بتطلع، لكن بابايا عكس كده ودايما بيقول كلمة "مفيش مشكلة" مهما حصل وكنت بقوله أتمنى أبقى زيك في الحتة دي".

موقف أهل دينا الشربيني من التمثيل

صرحت دينا خلال اللقاء عن رفض أهلها للتمثيل برغم إيمانها بموهبتها الداخليه فقالت: "معظم أهلي كانو ضد التمثيل بابا بس إلى كان موافق انا عنادية وبعدين في حاجات بشوف بدل ربنا ادهالك افضل ماشي وراها يعني اي حد ربنا مديله موهبه بستحرم أو ي إنه مش بيعملها".

وتابعت:" أنا معرفش أنا بعرف أمثل ولا لا لحد دلوقتي بس أقصد ان انا كنت حاسه في حاجة مختلفة جوايا ساعتها ده كان احساسي".

دينا الشربيني تصف نفسها

وصفت دينا الشربيني نفسها ببعض الكلمات، وأوضحت أنها ترى نفسها ضعيفة في بعض الأوقات فقالت: " بحس أن قلبي خفيف أو ي وبتأثر بسرعة وبحب بسرعة وعندي حاجات جوايا عكس بعض وبحس إني ضعيفه برغم إنس بكرهه الضعف فعشان كده باجي على نفسي وبتجيلي القوة دي لما بقعد مع نفسي بقول الحمد الله انا احسن من ناس كتير والحاجات إلى بحبها موجودة فلازم احارب عشان إلى ربنا ادهولي استاهله".

عدد المرات التي وقعت فيها دينا الشربيني في الحب

صرحت أنها وقعت في الحب مرتين فقالت: أنا حبيت مرتين في حياتي بس للأسف مش بتعلم من غلطاتي في العلاقات إلى بدخلها، أما عن معنى الحب بالنسبة لي هو الآمان والثقة والحنان، وبكره الكذب والخيانة في العلاقة، ومفهوم الحب ككل حلو، ولكن لما بيبقى الإنسان في علاقة ويحب بجد بيتوجع فده مش بحبه في الحب".

دينا الشربيني تصف الحب بـ إنه سلاح ذو حدين

وصفت دينا خلال اللقاء الحب بالوصف المعتاد أنه سلاح ذو حدين وقالت" أنا شايفة ان الحب سلاح ذو حدين بحبه جدا وساعات بقول خلاص مش هحب تاني اصله بيوجع، ان بحب الحب بحب اي حاجه احساس الحب نفسه حلو ان تحس ان حد بيحبك أو بتحب حد بتطمن عليه وبيطمن عليك خايفين على بعض سواء كعلاقة أو ك اهل أو اصدقاء".

دينا الشربيني تنفي سرقتها لراجل من زوجته

نفت دينا الشربيني خلال لقائها بالبرنامج أنها خذت شخص من زوجته في علاقتها السابقة فأوضحت ذلك وقالت: "في علاقتي السابقة.. الكلام اللي كان بيتقال إني أخدت حد من حد وكده ده مكنش حقيقي خالص، كل صحابي قالوا لي أقول إن الموضوع التاني ده خلص من سنين طويلة، وإن هما مش مع بعض، بس أنا قررت متكلمش"

.وتابعت: "طول مانت عارف إنك معملتش ده مبتبقاش قاعد مضايق من الكلام اللي بيتقال، إنما لو إنت عامل ده بتبقى مضايق، والناس اللي بتعمل كده إما معندهمش دم، أو على راسهم باطحة"

دينا الشربيني تكشف عن سبب صمتها طوال فترة الارتباط 

 كشفت عن صمتها طوال فترة ارتباطها ورفضها الرد على الشائعات التي تزعجها فقالت: "سكت عشان دي مش حياتي لوحدي.. فمش هقدر أطلع اتكلم عن حياة 3 أشخاص.. خاصة إن أنا وهي كنا كويسين مع بعض، كنا صحاب جدا وما زلنا أصحاب لحد دلوقت.. فمعندناش مشكلة.. كنا بنضحك على الكلام اللي بيتقال".

دينا الشربيني تكشف عن أسوء لحظه في حياتها

أوضحت دينا الشربيني خلال اللقاء أن أسوء لحظة مرت عليها هي وفاة صديقها هيثم أحمد زكي فقالت: "دايما بقول لكل حد أعرفه فقد حد قريب منه، يعتبره كإنه سافر.. الموت بيجي فجأة، بيثبت إن مفيش أي حاجة مستاهلة.. شبه الفيشة بتتشال من الكوبس.. هيثم بالنسبة لنا كلنا كنا بنحبه جداجدا جدا بس يمكن هو مكنش عارف إحنا قد إيه بنحبه، ساعات بتمنى رجوعه، تعالى إحنا بنحبك وخلاص لو عايز تمشي".

دينا الشربيني تقدم نصيحة لمرضى الاكتئاب 

قدمت دينا نصيحة لمرضى الاكتئاب أو المقبلين عليه ذلك النصيحة فقالت:"دايما بقول أول ما حد يحس إنه داخل في حتة الاكتئاب دي لازم يساعد نفسه، لأن فيه وقت مش هتبقى عارف تساعد نفسك، أنا أعرف ناس وصلوا لمرحلة نفسهم يساعدوا نفسهم بس مش عارفين وده مش حلو"

آخر أعمال دينا الشربيني 

ومن جهة آخرى، يعتبر أخر أعمالها الفنية في الماراثون الرمضاني السابق هو مسلسل "المشوار" من بطولتها مع محمد رمضان وندى موسى وأحمد صفوت وعدد آخر من النجوم ومن إخراج محمد ياسين.