خاص| تامر مجدي يُشن هجومًا على دعاء حلمي: "العوضي نجم من زمان وعايزة تتشهر"

شن الفنان تامر مجدي هجومًا علي الناقدة الفنية دعاء حلمي، وذلك بسبب تصريحاتها عن أحمد العوضي وياسمين عبد العزيز خلال الساعات الماضية.

تامر مجدي: "العوضي أخويا ومقبلش حد يتكلم عليه"

وصرح الفنان تامر مجدي لـ “الفجر  الفني” قائلًا: "أحمد العوضي أخويا وأنا مقبلش أي حد يتكلم عليه..أنا معرفش مين الناقدة دعاء حلمي أصلا ً وهي بتنتقد بسخرية وهذا ليس النقد البناء وهذا ليس اللي اتربينا عليه أن نلاقي ناس  بهذا الأسلوب ".

تامر مجدي: "لو بتفهم في الفن صح تعرف أن الممثل لازم يعمل كل حاجة 

وأضاف:"تامر مجدي" اللي اتربينا عليه ناس تنتقد بشكل محترم أو مهني وهي بتنتقد ياسمين في حته مش حقيقية..،هي بتقول أن ياسمين كانت بتعمل أدوار البنت اللي دمها خفيف واللي المفروض تفضل محافظة  على هذا  وأفلام الأطفال..، ولاكن هي لو بتفهم في الفن صح.. تعرف أن الممثل لازم يعمل كل حاجة..ومش كل حاجة لازم تعجبها هي..لازم تعجب الجمهور ونقيس  بمشاهدة المسلسل".

تامر مجدي: إللي ملوش كبير "مسلسل الشارع"

وتابع:"مسلسل إللي مالوش كبير ألقوا عليه مسلسل الشارع ب اي حق هي بتقول أن المسلسل منجحش...، ازاي بتقول أن المسلسل منجحش أو مكنش لايق عليها...بالعكس أنا شايف أن ياسمين مغيرة جلدها وعاملة البنت الشعبية والبنت الجدعة والمظلومة والمقهورة وكل ده كان جديد على ياسمين وقدمتوا بشكل حلو جدا".

واستكمل مجدي للفجر الفني:" وخفة الدم والرومانسية اللي بينها وبين العوضي الناس كانت حباها أو ي..وكانت بتاخد الجمل بتعتهم وتطلع ترند..ده هجوم وليس نقد..".

وأضاف:"اشمعنا في التوقيت ده بعد ما ياسمين والعوضي  أعلنوا عن مسلسلهم الجديد..كان ممكن تقول قبل كدة..ولاكن من الواضح أن هي في حاجة مضيقاها  شخصيًا أن هما  الاتنين هيشتغلوا مع بعض".

رد تامر مجدي على مقولة دعاء حلمي بأن العوضي أصبح سوبر ستار بعد زواجه من ياسمين

قال مجدي: "العوضي كان عامل مسلسل من بطولته علي نت فليكس أو شاهد وكان بطولته هو مسلسل شديد الخطورة ومن قبل ما يتجوز ياسمين وعمل شغل جامد في مسلسل الإختيار ومسلسل كلبش وهو كان متأهل أنه يكون نجم ودلوقتي يشيل لوحده وده توجيه وليس نقد هي متوجها بطريقة معينه لأن التوقيت غريب أو إنه ا بتسخر علشان تتشهر أو تتعرف وتطلع ترند وانا لم اعرفها وهطلع لايف وأرد عليها".