"حرام عليكم" شريف مدكور يعلق على أزمة تايوان

نشر الإعلامي شريف مدكور خبر حول إقلاع 8 مقاتلات أمريكية في اليابان لمرافقة طائرة بيلوسي على حسابه الرسمي على الفيسبوك، حيث علق عليه قائلًا: "حرام عليكم إللي بتعملوه في العالم"، وكان قد شارك خلال خاصية الأستوري على الفيسبوك منشورًا يوضح حقيقة الأزمة وتدعياتها، حيث كان محتوى المنشور: "مش شرط خالص إن الصين تعمل عملية عسكرية موسعة ضد تايوان خلال الساعات أو الأيام الجاية مش ده حتى المهم أو الخطير، وغالبًا الفترة الجاية هتقتصر على مناورات ومنوشات في محيط الجزيرة، بردو كل ده مش مهم".

زيارة بيلوسي استدعاء رسمي للصين

وتابع: "الأخطر على الإطلاق هو إن زيارة بيلوسي استدعاء رسمي للصين في الصراع إللي بقى بين الشرق والغرب مش بين روسيا والغرب، بعيدًا عن نظريات المؤامرة لكن بقى واضح إن في أيادي بتدفع للصراع ده، العالم القديم أنتهى ولازم عركة تحدد مين المعلم أو المعلمين بتوع العالم الجديد والحرب من ناحية تانية مخرج للمدعكة الإقتصادية إللي حاصلة من 2008". 

إية المطلوب من مواطني العالم؟

وأضاف: "في الحرب العالمية الثانية أمريكا تم استدعائها للحرب بين سنتين من اندلاعها بعد ما اليابان ضربت بيرل هاربر ففكرة الاستدعاء دي حصلت قبل كده، إيه المطلوب من مواطني العالم؟، الاستدعاء لسنين مش هتبقى ألطف حاجة غالبًا لحد 2030 لحد ما تبدأ تظهر ملامح العالم الجديد، الحكاية مش شهور أو أزمة هتخلص، الحكاية مطولة ولازم نتكيف مع الأوضاع".

أغرب رسالة وردت لشريف مدكور

ويذكر أن الإعلامي شريف مدكور قد نشر اغرب رسالة جاءته من أحد متابعية قبل دخوله العملية بيومين حيث كان نص الرسالة: "إزيك عامل إيه أنا مش عارف أقول إيه، أنا بس مش معجب بيك، ومش بلاقي دمك خفيف خالص لكن في الحقيقة أتمني تكون كويس في أقرب وقت بجد ألف سلامة عليك، وربنا يبعد عنك كل وجع وشر"، وعلق على الرسالة قائلًا: "الرسالة دي من أغرب الرسائل إللي جاتلي قبل عمليتي بيومين، ومش فاهم ليه حد يبعت لحد مريض الكلام ده، ومش عارف هو عاوز أي".