هنا الزاهد تهنئ تامر حسني بإيرادات فيلم "بحبك".. والأخير يرد
نشرت الفنانة هنا الزاهد صورة عبر خاصية الأستوري في موقع إنستجرام، هنانو من خلالها النجم تامر حسني تخطي إيرادات فيلم "بحبك" نصف مليار جنيه.
وعلقت عليها قائلة: "الحمد لله يارب رقم محدش يتخيله، رقم يخض مبروك يا تامر اتبسط بفيلمك لإنه اول إخراج ليك تعبت جامد وربنا كرمك أو ي ومبروك لكل الكاست وكرو الفيلم اللي تعبوا جدا فيه. ربنا كرمنا جدا جدا. شكرًا لكل الناس اللي بعتتلي من ساعه ما الفيلم نزل لحد دلوقتي وشكرا لكل ناقد كتب عني في الفيلم. سعيدة جدا ومبسوطة أني كنت جزء من فيلم بحبك ".
رد الفنان تامر حسني عليها
و جاء رد الفنان تامر حسني عليها قائلًا " أنا مبسوط اكتر ليكي يا أجمل هنا ربنا كرمك علي قد تعبك وقلبك وكرمنا كلنا عشان اخلصنا وحبينا الخير لبعض وفرحان من كل قلبي عشان أول فيلم عربي يوصل للرقم ده في التاريخ وهو من تأليفي قصة وسيناريو وحوار وموسيقي تصويرية وإخراجي ، فاكرة يا هنا كام حد قالنا تامر مش هيعرف يعمل كل ده وينجح اهو عرف بقا معلش، شكرًا للملايين اللي شافوا الفيلم شكرا كل أبطال الفيلم، شكرًا لكل جهات الإنتاج والتوزيع اللي صدقوني لما قولتلهم بعون الله هننجح بفيلم رومانسي، الحمد لله اللي بيطلع من القلب بيوصل للقلب "
نجاح فيلم 'بحبك"
بعد التخطي الكبير لإيرادات الفيلم الجديد لتامر حسني" بحبك" إلى النصف مليار جنيه في بداية عرضه خلال تلك الفترة الحالية، فيعتبر الأول من نوعه في تاريخ السينما العربية، وبعد تمديد عرضه في امريكا وكندا للأسبوع الثالث يتم عرض الفيلم لأول مرة في لندن بسينما أوديون.
فيلم "بحبك"
الفيلم فيه مشاعر قصدت أن تصل للناس وأنها ترجع تاني تحس نفسها في القصة التي تشاهدها، الشباب شايفين نفسهم في الفيلم، بقالنا سنين نقدم نوعية واحدة من التيمات في السينما، وسعدت جدًا أن أمريكا وكندا قررتا مد عرض الفيلم أسبوعا وهو أمر مهم دون شك".
أبطال فيلم "بحبك"
كما شارك في هذا العمل بجانب البطولة المطلقة لتامر حسني كل من هناالزاهد وحمدى الميرغنى ومدحت تيخة وهدى المفتى وعمرو صحصاح وتميم عبده وسمر محمد متولى، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
تحدث تامر حسني عن العمل كمخرج للفيلم كأول مرة
وتحدث حسني عن دوره في الفيلم كبطل ومؤلف ومخرج وصانع للموسيقى التصويرية قائلا: "كان حلمًا بالنسبة له عمره عامان ونصف العام، وتعاملت معه وكأنه فيديو كليب وقته طويل، وحاولت من خلاله كسر نمطية السينما التي فرضت شكلا أو تيمة بعينها على مدار السنوات الأخيرة".
وأضاف: "العمل يقدم المشاعر التي بات الكثيرون لا يتحدثون فيها، تعاملت مع الفيلم على أنه كليب كبير، وحاولت تقديم وجهة نظري من خلاله، ولهذا السبب كنت أنا المؤلف والمخرج ومؤلف الموسيقى التصويرية، حاسس أنه ابني من كل الاتجاهات، تجربة قد لا تتكرر، الله أعلم هاعمل كده تاني أو لا".
فيلم "مش أنا" لتامر حسني
وقدم تامر حسنى العام الماضى فيلم "مش أنا" وهو فكرة وسيناريو وحوار وبطولة تامر حسنى، وإخراج سارة وفيق، ويشارك في بطولته حلا شيحة، وماجد الكدواني، وسوسن بدر، وشيرين، وحجاج عبد العظيم، واسما سليمان محمد الجوهرى بجانب عدد من ضيوف الشرف، منهم إياد نصار، محمد عبد الرحمن، والسعودى فايز المالكى وعصام السقا.
