"سرق فلوسي شقايا".. ميار الببلاوي تريند جوجل بعد كشفها عن تعرضها للسرقة

تصدر اسم الفنانة ميار الببلاوي، محرك البحث جوجل وذلك بعد تعرضها للسرقة وهذا ما كشفته الببلاوي، عبر صفحتها الرسمية بموقع فيسبوك، عن تعرضها للسرقة اليوم.

وكتبت "ميار": "اتسرق مني مبلغ كبير بالنسبة لي، والكارثة معرفش فين وإزاي اختفى، الطريقة عجيبة أوي".وتابعت: "عارفة إنكم هتقولولي فداكي، لكن بالله عليكم تدعولي على اللي قهرني كده النهاردة ونكد عليا وخد شقايا ورزق ابني بالسرقة والحرام".

أزمة سابقة للفنانة ميار الببلاوي الشهر الماضي 

وكانت الفنانة ميار الببلاوي قد أعلنت الشهر الماضي عن تعرضها لأزمة قلبية، وكتبت: "يارب استر جاية أقوم من السرير حسيت بأزمة قلبية كلي ساقعة وبترعش أخدت الدوا ارتحت شوية بس مش قادرة ارفع راسي ووشي منمل أعمل إيه؟، أكلم دكتوري ولا الموضوع بسيط؟، ممكن إرهاق".

وتابعت: "ورايا مشاوير مهمة النهاردة، يارب قويني واللي هيعدوا يقولوا بتكتبي ليه؟، أنا حاسة أقسم بالله إني بموت وممعيش حد، أكلم مين"

أزمة سابقة للفنانة ميار الببلاوي

وكانت الفنانة ميار الببلاوي، قد أعلنت عن تعرض ابنها لأزمة صحية في يونيو الماضي.

وقالت حينها: "إيه ده إيه الدنيا دي إيه الناس دي إيه الواحد عايش في كوكب لوحده ملهوش حد ولا يفرق مع حد كلوا يالا نفسي ولو ليه مصلحة يعملك نفسه مروحة ولا ملوش متلزموش".

وأضافت ميار الببلاوي: "ابني من الصبح بيموت بين إيدي بيرجع وبيتلوي من المغص ودكاتره داخلة ومحاليل وحقن وأدوية وبكرة امتحانه الصبح لأنه في بكالوريوس ودي آخر مادة طبعا كده خلاص مفيش أمل إلا بمعجزة من عند ربنا لإنه رايح راس في راس والسخونية 40 ألاقي حد حقير كلمني وبحكيله إن ابنى تعبان وبيموت من المغص وبيصرخ يطلب الطلب اللي هو عاوزه ويقفل..عاوزه أقول الله ما يحوج حد لحد بس بعد الضنى مفيش وكده حلو أوي".