بعد نجاحه مع رامي جمال في "موقف ضعف".. الشاعر محمد أبو نعمه يتعاون مع أصالة
يتعاون الشاعر محمد أبو نعمه، مع النجمة أصالة، في أغنية جديدة تحمل عنوان "اللي مضايق يفارق"، والأغنية ضمن أغاني ألبومها الجديد "غلبان".
_تفاصيل أغنية "اللي مضايق يفارق"
الأغنية من كلمات الشاعر محمد أبو نعمه، ومن ألحان الملحن السعودي عزوف،و توزيع عمر صباغ، وحققت الأغنية نجاح كبير ونسب مشاهدة عالية عبر موقع الڤيديوهات "يوتيوب" حيث تخطت الربع مليون مشاهدة عقب ساعات قليلة من طرحها.
_كلمات أغنية "اللي مضايق يفارق"
اللي متضايق يفارق..احنا مش ناقصين وجع لسه حنراضي وندادي في اللي زرجن واتلوىٰ ؟ ماحنا دلّعنا اتخدعنا.. ماحنا سوينا البِدَع.. اديناهم نور عينينا.. والحصيله ولا الهوا..!! يلا بينا نعيش وننسى الناس اللي اتلونت.. مش هنقبل تاني غير بإخلاص عالي المستوى..!! اشترينا خلاص دماغنا.. مين عشان اتساب عِطل..؟ ياللي سايب دانت خايب دانت موقف وانتهى فكرة ان احنا اتجرحنا.. نتقتل ده حوار بِطِل.. قومنا ملو هدومنا عادي.. م اللي أصعب منّها.
_الأغنية تجمع أبو نعمة، وأصالة للمرة الثالثة
وتعد أغنية "اللي مضايق يفارق" ثالث تعاون للشاعر أبو نعمة، مع النجمة أصالة، حيث كتب أبو نعمة، أغنية "بنت أكابر"، و"رفقًا".
_نجاح أبو نعمة مع رامي جمال في "موقف ضعف"
حقق الشاعر محمد أبو نعمة، نجاح ساحق مع النجم رامي جمال، في ألبومه الجديد "يستاهل بوستين"، بأغنية "موقف ضعف"، وهي من ألحان رامي جمال، توزيع وسام عبد المنعم، حيث تقترب نسبة مشاهدتها من النصف مليون عبر موقع الڤيديوهات يوتيوب، ونالت الأغنية كثير من إشادات الجمهور وصناع الأغنية من الشعراء والملحنين والموزعين في مصر والوطن العربي.
_كلمات أغنية "موقف ضعف" لرامي جمال
أنا في العادة كنت في روحي مش مهمل دي غلطة وحيدة بس في عمري حبيتك.. قالولي بجد لما في حد خير تعمل.. تلاقي الشر بدليل إن أنا لقيتك.. أنا في العادة كنت في روحي مش مهمل دي غلطة وحيدة بس في عمري حبيتك.. قالولي بجد لما في حد خير تعمل.. تلاقي الشر بدليل إن أنا لقيتك.. هشوفك وانتي مكسورة ورجعالي.. وهاخد حقي بالغالي ويمكن ضعف.. هانتلاقى وهيتعاد الزمن تاني..لكن وأنا جاني وانتي في موقف ضعف.. هيجي الوقت تبكيلي وأنا هادي.. وعايش وانتي بيخلص عليكي البعد.. هقولك كل شئ قسمة ونصيب عادي.. وأنا وانتي في الحقيقة ما ننفعش لبعض.. زرعتي القسوة نفس القسوة رجعالك.. دا دين في رقبتي أنا هسده وهتسديه.. ما تتفاجئيش لو اللي زمان ياما دعالك.. لقيتي نفسك بتيجي سيرته تدعي عليه.. وهاخد حقي بالغالي ويمكن ضعف.. هانتلاقى وهيتعاد الزمن تاني..لكن وأنا جاني وانتي في موقف ضعف.. هيجي الوقت تبكيلي وأنا هادي.. وعايش وانتي بيخلص عليكي البعد.. هقولك كل شئ قسمة ونصيب عادي.. وأنا وانتي في الحقيقة ما ننفعش لبعض".
