الأزهر أجاز إجهاضه.. لأول مرة حازم إيهاب يكشف تفاصيل وفاة طفله يونس

حل الفنان حازم إيهاب ضيفًا على برنامج رمادي، الذي تقدمه الإعلامية عبير بسيوني، عبر موقع تبادل الصور والفيديوهات الشهير "إنستجرام"، وتحدث  لأول مرة عن تفاصيل وفاة ابنه الرضيع يونس، الذي ولد مؤخرًا بعيب خلقي في القلب، وخضع لعملية جراحية وهو في الساعات الأولى من عمره.
 

حازم إيهاب: الأزهر أجاز اجهاضه وأنا مكنش عندي المنطق والقدرة على كده

وأكد حازم إيهاب خلال لقائه في البرنامج إنها المرة الأولى التي يتحدث فيها عن وفاة ابنه الرضيع يونس قائلًا:" في حد في أمريكا قالي إحنا عندنا هنا في الوقت ده بنقول ننزل الطفل على طول وكانت منة زوجتي وقتها في الشهر الخامس لما عرفنا إن الجنين ولد وعنده غرفة من غرف القلب مش شغالة، والأزهر أفتى لنا وقتها إننا ننزله أنا بس مكنش عندي المنطق ده لأن اللي ربنا كاتبهوله هيشوفه".

حازم إيهاب: لو أجهضنا الجنين كان ممكن أرجع أطارد نفسي 

استكمل حديثه:"أن الله عز وجل لم يرضيه أن يعيش طفله في عذاب.. كان ممكن أنزله بس كنت خايف أرجع أطارد نفسي بعدها بكام شهر وأقول لنفسي أفرض كنت سبته يكمل مش جايز ربنا حط في معجزة، وساعتها كانت هتفرق بيني وبين ربنا كتير أوي يعني كانت هتحسسني إني مبقتش واثق فيه".

حازم إيهاب: زوجتي مكانتش تعرف إنه يونس دخل العمليات بعد الولادة بساعات

وأشار حازم إيهاب أن زوجته لم تكن تعلم بدخوله عرفة العمليات بعد ولادته بساعات، وكانت مشكلة كبيرة حينها، لأنه أخبرها أنه في الحضانة، مُضيفًا:" وبدأت أعرفهل معلومات عن حالة يونس لأنها مكانتش تعرف نتيجتها هتبقي ايه، أنا اللي كنت أعرف التفاصيل“.

حازم إيهاب: مكنتش قادر أواجه زوجتي يوم وفاته 

وأشار:" أن يونس توفي بعد 13 يوم فقط من ولادته.. لافتًا مش هنسى لزوجتي موقفها يوم وفاته اليوم ده مكنتش قادر أواجهها فيه لأن أنا كنت بقعد أقولها اطمني هو هيقوم يبقى زي الفل وعشان أنا كمان أصدق قومت وركبتله سريره وألعابه، وكنت مستني اليوم اللي أجيبه في إيدي البيت".

آخر أعمال حازم إيهاب

ويذكر أن آخر الأعمال الدرامية التي شارك بها حازم إيهاب مسلسل "إلا أنا.. حكاية تقلها دهب" وكان يتحدث عن حياة بطلات مصر في الأولمبياد.