"هناك مخطط لهدم الفنانين".. فريدة سيف النصر تتصدر تريند جوجل لهذا السبب
تصدر اسم الفنانة فريدة سيف النصر محرك البحث الشهير جوجل وذلك بعد رسالة قاسية لها وجهتها لجمهورها عبر حسابها على موقع الصور والفيديوهات إنستجرام.
وعبرت فريدة سيف النصر في رسالتها عن غضبها من الجمهور بسبب اسائتهم لنجوم الفن، حيث اتهمتهم بهدم رموز الفن قائلة: "تحسو مخطط لهدم الفنانين".
منشور فريدة سيف النصر
وجاء في منشور فريدة سيف النصر الآتي: "أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه بنستخبى ورا شاشات وننزل نحر رقاب".
وتابعت: "الكلمة القاسية بتذبح بقينا نكديين مانعرفش نفرق بين جد وهزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة".وأضافت: "في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية".
فريدة سيف النصر: هناك مخطط لهدم الفنانين
وأضافت: "مالكم في إيه بجد هما الناس دي ماأسعدتكمش أعمالهم فترات من الزمن، طيب بلاش إنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت أربعتاشر مليون.. متخيلين".
وتابعت: "كل المهن شغالة معانا تحت إيديهم كام عامل وأسطى كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم".
واختتمت حديثها قائلة: "اقروا كدة المسلسل ببكتب ناس قد إيه عماله في العمل شوفوا وقولولي، كفاية هدد في الفن، الوحش انقدوه بأدب والكويس شجعوه، إنما تهزئوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قرروا إيه، هانشتم من ورا الشاشة ولا هنقول كلام نصح حلو يا باشا".
