بعد تصدره للتريند.. أول تعليق من ابنتا شريف منير على هجوم والدتهما
تصدر الفنان شريف منير خلال الساعات الماضية مؤشرات البحث على محرك “جوجل”، بعدما هاجمت زوجته الفنانة لورا عماد ابنتيها، بالتخلي عنها، فقد نشرت مقطع فيديو لهما، عبر حسابها بموقع تبادل الصور والفيديوهات "انستجرام" فى إحدى المطاعم مع والدهم وزوجته الثانية، وكتبت عليه تعليق شديد اللهجة.
تعليق فريدة وكاميليا ابنتا الفنان شريف منير
وقامت كلا من فريدة وكاميليا ابنتا الفنان شريف منير بالرد على رسالة والدتهما التي وجهتها لهما، فكتبت فريدة ابنة شريف منير، تعليقًا على رسالتها، قائلة:" ليه بتعملي كده؟ ليه بتخلي شكلنا كده قدام الناس؟"، لترد عليها والدتها لورا عماد قائلة: "إنتوا بتموتوني كل يوم وأنتِ عارفة كده كويس، ربنا يهديكي، صحيح الزن على الودان أمر من السحر".
وجاء رد كاميليا على كلام والدتها بكتابة تعليق على الرسالة قائلة: عمرنا ما بعدنا عنك، وغير كده أنا كنت لسه قاعدة معاكي إمبارح ومكنتش عارفة إنك بتفكري في كده، وردت عليها والدتها قائلة:" أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم".
ما هي رسالة هجوم زوجة شريف منير؟
جاء كلام الفنانة لورا الذي كتبته على الفيديو بموقع تبادل الصور والفيديوهات كالتالى: "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
رد شريف منير على هجوم زوجته
وجاء رد الفنان شريف منير على الاتهامات التى تم توجيهها له ولبناته فى تصريحات صحفية، حيث رفض فيها الكشف أسباب ما حدث واكتفي بالقول: "دي مشاكل عائلية وأنا مش هتكلم فيها".
