رامي صبري ينشر كواليس أغنية "شايفة فيك" لـ أصالة

نشر الفنان رامي صبري فيديو كليب لـ كواليس أغنية "شايفة فيك" لـ أصالة وذلك عبر حسابه الرسمي على موقع التواصل الاجتماعي "فيس بوك" وكتب: "كواليس أغنية شايفة فيك  "اصالة" و"رامي صبري" كلمات:نادرعبدالله ومن ألحان: رامي صبري  ومن توزيع: اسامة الهندي. 

وفي سياق متصل، ظهرت أصالة برفقة رامي صبري داخل الاستوديو التسجيلي وهي تقرأ كلمات الأغنية وتغنيها بإحساس عالي جذب انتباه المتابعين. 

 كلمات أغنية شايفة فيك:

شايفة فيك
كل حاجة حلوة انا اتحرمت منها
كل ضحكة شفايفي كانوا مستنيينها
كل احساس بالأمان كان نفسي أعيشه
وسط دنيا غريبة وما حدش ضامنها

شايفة فيك
بيت وأهل وصحبة جنبي مونسيني
لفة العيلة اللي بتطمني إني
لما أغيب أنا بلقى ناس تقلق عليا
وأما برجع بلقى ناس مستنيني

للنهاية
هتلاقيني ماسكة في إيديك للنهاية
أصلي من قبلك أنا مجرد حكاية
فيها خوف وتعب، وفيها جراح كتيرة
بس بقى مسك الختام إنك معايا

ناسية بيك
ذكريات مش حلوة كانت بتهاجمني
دنيا على أحلامي كانت بتساومني
طول ما أنا مسنودة على كتفك حبيبي
واقفة أنا في وش الحياة دي ومش هاممني

آخر أعمال رامي صبري

طرح الفنان رامي صبري أحدث أغانيه بعنوان "ولسة ياما"   منذ فترة عبر قناه الرسمية على "يوتيوب" وهي أغنية تحمل الطابع الدرامي ومختلفة اختلاف جذري عن أغنية "أنتي جنان" التي طرحها من فترة. 

تفاصيل الاغنيه

الأغنية من كلمات تامر حسين وألحان عزيز الشافعي وميكس ماستر أسامة الهادي

كلمات الأغنية

ولسه ياما هنودع ونتودع ونتعذب من الأشواق
ماهي الدنيا دي من يومها يابتجمع يابتفرق 
ما بين عشاق
حياتنا عبارة عن قصة بتتسمى لقى وفراق
والليالي إلى ياما فرحتنا هي هي إلى بتروح من حياتنا
مين يصدق يا حبيبي بعد شوقنا
وحكايتنا افترقنا واكتفينا بذكرياتنا
ولسه ياما هنودع ونتودع ونتعذب من الأشواق
ماهي الدنيا من يومها يا بتجمع يا بتفرق
ما بين عشاق
حياتنا عبارة عن قصة بتتسمى لقى وفراق
حبيبي عنيا بتدمع وانا بسمع
رسايل بينا ليها سنين 
بقت مقدرش اكملها ياريت ترجع
ياريت ترجع سايبني لمين
مبتخليش انا وانت نعيش بكرة لناس تانين

رامي صبري يروج لـ أغنية "لسه ياما"

روج الفنان رامي صبري لـ الأغنية من خلال حسابه الرسمي على "فيس بوك" وكتب: "صباح الفل عليكم 
اغنيتي الجديده ( ولسه ياما ) هتنزل يوم 10/8/2022 
اغنيه دراما علشان بس الناس اللي بتطلب دايما مني الاغاني الحزينه"

وتابع:  "معرفش إذاي واحنا في الصيف وبهجه وكده بس حاضر. الاغنيه كلمات الشاعر الموهوب جدا تامر حسين والحان المتميز العزبز عزبز الشافعي وتوزيع ومكساج وماستر الموزع الموسيقي الكبير اسامه الهندي 
اتمني الاغنيه تعجبكم"

رامي صبري يرد على الإنتقادات لـ "أنتي جنان"

رد الفنان رامي صبري على الإنتقادات التي توجهت له عقب طرح أحدث أغانيه التي تحمل عنوان "أنتي جنان"، ورد من خلال حسابه على فيس بوك

حيث أنها نشر صورته وعلق عليها قائلًا: "حبايبي مساء الفل عليكم 
انا عارف ان اغلبيه الاغاني اللي بنزلها بتبقي غريبه عليكم وعلي اللي متعودين عليه مني. ولكن انا شخص بيحب التطوير في الشغل يعني عمرك ما هتسمع مني اغنيه شبه التانيه ابدا وده تميزي بين الاخرين.

وتابع: "اغنيه انتي جنان اغنيه جديده عن المسموع تماما من حيث الكلمه واللحن والmusic بتاعتها توزيع (جلال الحمداوي) وده موزع مغربي عربي عالمي. 
المقصود ان انت جاي هنا تسمع حاجه ( مختلفه)".

وأضاف: "وجديده عمري ماهقدر اسمك قديم عايز قديم عندك مغنيين كتير أو ي واحسن مني كمان. ولكن صدقني انا من الفنانين المتجددين وليس من الفنانين اللي بينزلو اغاني جديده فقط".

واختمم حديثه قائلًا: "اغنيه انتي جنان اغنيه جمبله اغنيه صيفيه مبهجه افرحو واتبسطو بيها وبلاش انتقادات وخلاص، ملحوظه ليه كتبت البوست ده ؟ علشان اللي مش فاهم يفهم مين بيعمل ايه رامي صبري".