شريف منير ينشر صورته أثناء إعداد الإفطار لـ بناته والجمهور يخمن السبب

نشر الفنان المصري شريف منير صوره له من داخل مطبخه وهو يعد الإفطار لـ بناته وكتب عليها: "أومليت وشاي بلبن، بناتي كاميليا وفريدة بيحبوا يفطروا بيهم".

وفي سياق متصل، حرصت أسما شريف منير ابنته على التعليق على الصورة وكتبت له: "و أو أنا جاية حالًا" وقال الرواد أنه نشر هذة الصورة في ذلك التوقيت تحديدًا ليظهر الاهتمام بـ بناته بعد الانفصال عن زوجته، وانتقد البعض هذا التصرف  

 وقالت أحد الرواد: "استاذ شريف حياتك الخاصه تخصك انت ليه تفاصيل البيت تكون علي الملئ وبعدين الحياة أسرار وبعدين انت اعطيت الفرصة لكل من هب ودب يتدخل ربنا يهدي" وقال آخر: "بيحبها ونفسه يرجعلها وبيحاول يغيظها".

بداية الخلاف بين شريف منير وبناته مع زوجته لورا

نشرت زوجة شريف منير منشور يوضح من خلال لهجته عن وجود أزمة بينها وبين عائلتها فكتبت: "رسالة إلي بناتي فريدة وكاميليا بما أنكم خلاص قررتوا تبقوا مش في حياتي بعد ما أدتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم باأصحابكم بأمهات أصحابكم يشهدوا بإن أنا كنت أم عاملة إزاي! بقولكم مبروك عليكم عيلتكم الجديدة!! وحقولكم حاجة واحدة بس! اللي مالوش خير في أمه ملوش خير في حد ".

وتابعت:" بتمنالكم كل خير وصحة وأن ربنا يهديكم في يوم من الأيام!! بس ربنا موجود وكبير قادر على اللي عمل فيكم كده أنه يرده ليه في يوم من الأيام!!! مامي لورا يمكن تكونوا نسيتوا اسمي".

رد بنات شريف منير على والدتهم لورا

قامت ابنة شريف منير فريدة بالرد على والدتها وقالت من خلال المنشور:" ليه بتعملي كده؟ ليه بتخلي شكلنا كده قدام الناس؟ 

لترد والدتها عليها قائلة: "أنتوا بتموتوني كل يوم وأنت عارفة كده كويس ربنا يهديكي صحيح الزن على الودان أمر من السحر"

وقامت ابنة شريف منير كاميليا بالرد أيضا على والدتها قائلة:" عمرنا ما بعدنا عندك وغير كده أنا كنت لسه قاعدة معاكي إمبارح مكنتش عارفة أنك بتفكري كده".

آخر أعمال شريف منير

يذكر أن شارك الفنان شريف منير في مسلسل "إجازة مفتوحة" الذي حقق نجاحا كبيرا وهو من بطولة شريف منير، سميحة أيوب، لقاء الخميسي، مراد مكرم، دنيا ماهر، هشام إسماعيل، ومن تأليف أحمد محمود أبو زيد، إخراج محمد عبد الرحمن حماقي.