"انتم هنا عشان تحافظوا عليهم".. حماقي ينفعل على أحد منظمي حفله بسبب معجبة

حل أمس الحفل الختامي لمهرجان العلمين للفنان محمد حماقي وقام بغناء باقة مميزة من ألمع أغانيه ما بين الحديث والقديم.

محمد حماقي ينفعل على أحد منظمي الحفل

وقد عبر الفنان محمد حماقي عن غضبه، وانفعل على أحد منظمي حفله بسبب تطاوله على فتاة من معجبين محمد حماقي وذلك نظرا لأنها تريد أن تقفز له على الإستيدج، إلا أن النجم محمد حماقي أوقفه وقال نصًا:
"سيبها تنط هيحصل إيه يعني، انت ممكن تمنعها بلطف بس ماتتطاولش عليها، الشد بالطريقة دي مش إسلوب، انت ممكن تقف قدامها وهي مش هتعدي لكن الشد والزق ده غلط، أنتم هنا عشان تحافظوا عليهم هما، أنا هنا مش هيحصلي حاجة".

محمد حماقي يُوقف الحفل ويغني لها أحلى حاجة فيكي

وبناءًا على ما حدث في الحفل قام محمد حماقي بالاعتذار للفتاة وأوقف الحفل وأهداها أغنية "أحلى حاجة فيكي".

كلمات أغنية احلى حاجة فيكي 

عارفه احلى حاجه فيكي ايه
بتحلي اي شي عنيكي تيجي فيه
قمر ده ايه إلى تنساه ومين تعالى اقولك
احلى حاجه فيكي ايه
ولا انتي فاهمه قصدي والي بالي فيه
فيكي ياما انا حلمت بيه ليالي
يلا ان شاء الله اموت في هواك ان شاء الله
ده كثيير عليا الحب ده والله
حتمنى اكثر من كده ايه
حد في البراءه دي مفيش
ولا في الغلاوه دي انا معنديش
انا كل ليكي متكدبيش عينيكي
قلبي عقلي روحي عمري كلي ليكي
مش حرده من عمري
ولحد اخر يوم في عمري شاريكي
يلا يلا ان شاء الله اموت في هواك ان شاء الله
ده كثييرعليا الحب ده والله
حتمنى اكثر من كده ايه.

محمد حماقي يختتم مهرجان حفلات العلمين

وكان النجم محمد حماقي قد إختتم مهرجان حفلات العلمين، وذلك بعدما طرح عددا مميزا من الأغاني الناجحة، ومن أبرزها أغنية: "قلبى حبك جدا" تعاون فيها مع الملحن عمرو مصطفى، والشاعر أمير طعيمة والموزع الموسيقى أحمد إبراهيم، إضافة إلى "أدرينالين" كلمات وألحان عزيز الشافعى وتوزيع تميم، وهي الأغنية التي تجاوزت الأغنية 14 مليون مشاهدة على يوتيوب، فيما طرح أيضا أغنية جمالها استثنائى عبر قناته الرسمية بموقع يوتيوب، تعاون فيها مع كل من الشاعر الغنائى تامر حسين، والملحن عزيز الشافعي، والموزع الموسيقى تميم.