ميمي جمال: خيانة حسن مصطفى لم تتسبب في طلاقي منه وطلبت من سمير خفاجة يرجعنا لبعض

استعادت الفنانة ميمي جمال ذكرياتها مع زوجها حسن مصطفى، وذلك أثناء لقائها مع الإعلامية سهير جودة في برنامج “الستات"، وكشفت عن تفاصيل خيانته لها وطلاقهما.

ميمي جمال تروي تفاصيل خيانة حسن مصطفى لها

وقالت ميمي جمال خلال الحلقة: "كان في مسرحية يشارك فيها بنات بيقدموا الاستعراضات، كان في بنت عندها 18 سنة وتدخل كل شوية أوضته وتوريله "المانيكير" كاتبه عليه حروف اسمه، هو راجل كبير ولاقى حاجة جديدة وغريبة، وحسن مش حسين فهمي القمر اللي بيكبر بيفضل قمر، كان راجل طبيعي".

وأضافت “جمال” قائلة: “ كان بيوصلها بالعربية، أنا في الوقت دا كنت بشتغل في القاهرة وهو الإسكندرية، والبنت اللي كانت بتقطع تذاكر المسرح صاحبتي، شافت منظر معجبهاش وكلمتني وطلبت مني أروح إسكندرية”.

وتابعت: " في الوقت دا كانت أمي وبناتي معاه في إسكندرية عشان المصيف، وفعلا روحت وكان هو مش في البيت وأول ما وصل سألته "وصلت الهانم؟" وهو اتصدم وحكيتله أني عارفة كل حاجة، حاول يغضب ويعلي صوته علشان اسكت".

ميمي جمال تكشف السبب وراء طلاقها من حسن مصطفى

وأكدت ميمي جمال على أن هذا الموقف ليس المتسبب في طلاقهما، إلا إنها لم تشعر بأنها أخذت حقها منه، واختتمت قائلة: “ أنا الشغل أخدني وبقيت عندي شغل كتير مسرح بالليل والصبح تصوير، أنا كنت بهتم وبدلعه كتير بس كل دا اتغير، حس بالنقص وحصلت شوية مشاكل واطلقنا وأنا اللي سعيت للرجوع وكلمت سمير خفاجة علشان يرجعنا لبعض”.