شخصيتي خجولة وبعاني من الوحدة وكنت بصرف على مسلسلاتي.. تعرف على أبرز تصريحات صفية العمري

تحدثت الفنانة القديرة صفية العمري خلال أحد البرامج التليفزيونية التي حلت ضيفة عليها، عن مشوارها الفني وتفاصيل الشخصيات التى قامت بتأديتها، كما وجهت رسالة للمنتجين والمخرجين.

صفية العمري: نازك السلحدار شخصيتي أنا

صرحت الفنانة صفية العمري عن شخصيتها الشهيرة نازك السلحدار فى مسلسل "ليالي الحلمية" قائلة:" نازك السلحدار دي شخصيتي أنا، يعني أنا طول عمري كده من وأنا صغيرة ودي شخصيتي، نازك ماضفتش ليا حاجة، بالعكس أنا اللي ضفت ليها من روحي ومن شخصيتي أنا، مبيليقش عليا إني أغير شعري وطريقة لبسي، ليا ستايل معين وشكل مبعرفش أغيره بحس إن مش أنا".

صفية العمري تكشف عن شخصيتها الحقيقة

كما كشفت الفنانة صفية العمري عن سبب ابتعادها عن تقديم برامج، قائلة:" أنا معرفش أقدم برامج زي إعلاميين دلوقتي، إسعاد يونس لها شخصي لذيذة ولطيفة مينفعش حد يقلدها خالص، أنا بحب أوي المزيكا الكلاسيكية والأوبرا فكان ممكن أقدم برنامج عن الفن الراقي اللي يمشي مع شخصيتي، أنا شخصية خجولة جدًا مع إني لما بقف قدام الكاميرا بشوط".

صفية العمري تعبر عن استيائها من المنتجين والمخرجين

كما تحدثت الفنانة صفية العمري عن استيائها الشديد من المنتجين والمخرجين قائلة:" أنا عاملة 100 فيلم وعملتهم من غير شللية وكلهم منتجين ومخرجين كبار، أعمالي كلها مع أهم وأكبر منتجين سينما وتليفزيون في مصر، أنا معرفش معظم المنتجين دلوقتي ويمكن هما مبقوش يعرفوني خلاص، وما زال عندي عطاء ولسه بقدر أشتغل، وعندي طموح ولكن قاهرنا ليه، يعني فيه حاجات بحلم إني أعملها في شخصيات وأدوار، المرأة المصرية ليها وجود هايل، ليه ميكتبوش لنجاح المرأة المصرية، مبقاش عندي أمل، لأن مش دول المنتجين بتوع زمان اللي بيعرفوا يختاروا الفنان المناسب للشخصية، أنا مش عايزة أظلم حد، ولكن إحنا مبقيناش مهمين بالنسبة لهم وملناش وجود".

صفية العمري تعاني من الوحدة

وتحدثت صفية العمري عن شعورها بالوحدة بسبب تواجد أبنائها في الولايات المتحدة الأمريكية، قائلة: "أنا بعاني من الوحدة، وولادي ربنا يخليهم ليا بحاول قدر الإمكان إني أسافر عندهم في أمريكا، لكن فيه وحدة طبعًا والشغل كان بيلهيني".

صفية العمري: انا اللى صرفت على مسلسلاتي  

وصرحت صفية العمري، أنها لم تكن تهتم بالمقابل المادي على الإطلاق، على الرغم من ضعف الأجور في تلك الفترة، فقالت:"عملت مسلسل الأيام مع أحمد زكي في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته.. إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني لبس الهوانم كله والحلمية أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة".