حفل فني لـ مسلم بالساقية 17 سبتمبر.. تعرف على التفاصيل
يستعد الفنان الشاب مسلم، لإحياء حفل بالساقية يوم السبت المقبل 17 سبتمبر من الشهر الجاري، وذلك على مسرح النهر بساقية الصاوى بالزمالك.
وسينطلق الحفل فى تمام الساعة 7.30 مساء، وسعر تذكرة دخول الحفل 140 جنيهًا، فيما من المقرر أن يقدم مسلم باقة من أغانيه المميزة التي حققت نجاحًا كبيرًا مع الجمهور الشبابي منها أغنية "اتنسيت".
آخر حفلات مسلم
ويذكر أن الفنان مسلم أحيا مؤخرًا حفلًا غنائيًا في مكتبة الإسكندرية من خلال مركز الفنون، وذلك يوم الثلاثاء 30 أغسطس الماضي، في تمام الساعة الثامنة والنصف مساء، بالمسرح المكشوف في بلازا مكتبة الإسكندرية.
أحدث أعمال مسلم
طرح الفنان مسلم والطفل محمد أسامة وصاحب الخدع البصرية كريس المصري أحدث دويتو لهم بعنوان "عايزة اللي يفرفشلها" وذلك من خلال قناة مسلم الرسمية على موقع الفيديوهات الشهير "يوتيوب"
تفاصيل الأغنية
كلمات تامر حسين وألحان عزيز الشافعى وتوزيع وسام عبد المنعم وتسجيل غناء مودى منير.
أغنية "مين كان سبب"
وكان قد طرح مسلم أحدث اعماله وهى أغنية "مين كان السبب" والتى استطاعت أن تحصد أعلى مشاهدة عبر موقع الفيديوهات الشهير "يوتيوب" كما تصدرت الأغنية تريند رقم ١ بعد ساعات من طرحها. والأغنية الآن حققت 11 مليون مشاهدة، وهى من كلمات وألحان مسلم وتوزيع موسيقى على الدين عمر وإخراج أحمد ماريو، وتوزيع شركة ديجيتال ساوند.
كلمات الأغنية
وجاءت كلمات الأغنية كالتالى: "وقفت ساعة الكون بتبكي، فبعدها، حتى الهوا ما بقاش يغازل السما، مين كان سبب، وقفت دموعي فوقتها ساعة الوداع، حتى أنا ما بقيتش أنا، مين كان سبب، وقفت بكل ما فيها تنهي المسألة، مشيت وروحي عندها
أنا كنت ايه من قبلها، والحبر دايب عالورق، صورنا لما حرقتها غريبه قلبي اللي اتحرق، عينك رصاص وغريبة لما قتلني كان مسموح، لعيوني يبكوا لكن ما خوفتش وقتها من الموت، فضلت متعلق في حضن الوقت لما يفوت، كان الوداع يشبه فراق الروح، بتقول عشان ترتاح، هتسيبني للأيام، ويهون عليا انساك، وتسيب في نفسي وداع، باين في عينك إني مش صعبان عليكي أكيد طب ودعيني قبل اما تمشي ولو بحضن أخير، أنا كنت عارف من البداية إنك ما حبتنيش، وفضلت متعلق بحلم بعيد ما وصّلنيش، وقفت بكل ما فيا أراضي فكبرها، كإنه ذنبي مش ذنبها، يا ريتني موت في وقتها، من امتى دمعي كان فَرَق، كل اللي كان بيننا انتهى، رجَّعلي عمري اللي اتسرق، عينك رصاص وغريبة لما قتلني كان مسموح، لعيوني يبكوا لكن ما خوفتش وقتها من الموت، فضلت متعلق في حضن الوقت لما يفوت، كان الوداع يشبه فراق الروح".
أغنية "اتنسيت"
و قد طرح الفنان الشاب مسلم أغنية إتنسيت منذ نحو 10 شهور عبر قناته الرسمية علي موقع الأغاني الشهير "يوتيوب" وقد حققت الأغنية منذ طرحها نحو 330 مليون مشاهدة.
كلمات أغنية "إتنسيت"
ما بقيتش عارف أعمل إيه
حالي مش صعبان عليه
يعني ده اللي وصلنا ليه
سايبه وعارف روحي فيه
كل شيئ إلا الفراق
فما اتسيبنيش وانا مشتاق
عمري ما اتخيلت يوم
أبعد وأسيب قلبي معاك
هصدقك وأكذب عينيا
ده إنت شوفت أجمل ما فيا
وماكانش عندي أي نية
أنساك وتضيع من بين إيديا
واتنسيت كإني ما جيت
ولو حسيت هتكسرني هتخسرني
وداريت في قلبي مشيت
على عيني تغربني
واتنسيت كإني ما جيت
ولو حسيت هتكسرني هتخسرني
وداريت في قلبي مشيت
على عيني تغربني
طال الغياب وهواك غلاب
عشمان في ضي عينيك
مليون جواب متساب
عالباب اللي بترديه
ومش تحت طوعي فارقتني روحي
من بعد لما مشيت
وما بين أنساك وبين نرجع
قلبي اتقسم نصين
نص مش قادر يخبي
ونص رافض تبقي جنبي
وكنت عارف هبقى وحدي
اللي هخسر مرتين
مرة لما رضيت بعيوبك
ومرة لما داريت عيونك
وإنت بتكذب ظنونك
من البداية ما حبتنيش
ومش هزود في الملام
مش هيفرق في الخصام
ده لو عينيك صادفت عينيا
إمشي وما ترمي لي السلام
واتنسيت كإني ما جيت
ولو حسيت هتكسرني هتخسرني
وداريت في قلبي مشيت
على عيني تغربني
واتنسيت كإني ما جيت
ولو حسيت هتكسرني هتخسرني
وداريت في قلبي مشيت
على عيني تغربني
