بعد تصدره "جوجل".. تعرف على حكايات مصطفى كامل مع التريند

تصدر الفنان مصطفى كامل التريند على مؤشر البحث الشهير "جوجل" وتم البحث عن اسمه بأكثر من ألفي عملية بحث خاصة بعد ترشيحه لمنصب نقيب الموسيقيين بعد اعتزال هاني شاكر عن المنصب

وما جعل الأمر ينتشر أكثر وجعل الرواد يرددوا اسم مصطفى كامل بعد تعليق هاني شاكر على ترشحه للمنصب حيث قال هاني من خلال لقاء تلفزيوني: "أتمنى النقابة تفضل دايما في تصاعد، ولا أتمنى نقيب يوقف هذا النجاح، سواء مصطفى أو غيره أي حد يمسك النقابة من بعدي أتمنى له من كل قلبي دوام النجاح".

وتابع: "أنا لا أرد على هذا الكلام عن وجود فساد، يوجد جهاز مركزي للمحاسبات، ومجلس نقابة محترم كان متواجدا قبل أن أتولى منصب النقيب، وعمل مع النقباء السابقين مصطفى كامل ومنير الوسيمي وحسن أبو السعود".

وأضاف: "دايما أقول اللي عنده حاجة يقدمها للنيابة، وعمري أنا والمجلس ما نغطي على أي فساد، لكن هو كلام للاستهلاك الانتخابي، ومصطفى حبيبي أسيبه يقول اللي هو عايزه، وإنجازاتي في النقابة أكبر رد على أي كلام".

مصطفى كامل يتصدر التريند بعد رأيه على أزمة شيرين

كشف الفنان مصطفى كامل عن رأيه في التصريحات الجريئة التي أفصحت بها شيرين عبد الوهاب مؤخرًا عن زوجها السابق الفنان حسام حبيب وأزمتها معه وذلك من خلال حلوله كضيف على برنامج "الترابيزة" على قناة الشمس حيث إنه قال: "أنا مكلمتش شيرين الفترة إلى فاتت بس عايز أكلمها أطبطب عليها البنت دي واضح أنها تعبانه فعلا، شيرين أطيب من ما انتو متخيلين، وهي معروفه أنها موهوبة وطيبة بس خارج السيطرة ومتعرفيش تحجميها ومن تحليلي ليها إنه ا حبت حسام أو ي واما اتعورت اتحولت لحد غير عقلاني وحسام نفسه ممكن يكون مش مستغرب من إلى شيرين عملته. 

رسالة مصطفى كامل إلى شيرين وحسام حبيب

وجه رسالة إلى شيرين عبد الوهاب وقال لها: "لما كنت بتسأل عنها زمان ويقولولي هتوصل لفين كنت بقول كفايه إلى وصلت له، فخدي بالك يا شيرين فيشويه حاجات حواليكي لازم تنقيها واهدي نفسيا".

كما وجه رسالة إلى حسام حبيب وقال له: "حسام ولد ابن ناس وشيك وشخصيه مهذبه والأزمة إلى حصلت دي مينفعش تخرجكم عن اصلكم وحاولو تلموا الأمور وميكونش في داعي للقضاء".

مصطفى كامل يتصدر التريند بسبب أغنية "وجع قلبي"

تصدر الفنان مصطفى كامل تريند جوجل وجع قلبي من ألبومه الجديد الذي يحمل أيضا نفس إسم الاغنية، وهي من كلماته وألحانه وتوزيع تامر صقر ووتريات فارس صقر وهندسة صوت احمد جودة.

كلمات الأغنية

وجع قلبي، ما حدش غيري يوم عرفه
ولا داقه ولا حسه
أنا لوحدي اللي حاسس بيه
وجع قلبي، من الناس اللي حبتهم
وكان قلبي زمان بيتهم
رجع آخر حكايتهم
بجرح مالوش طبيب يداوي
إتوجع القلب يابا
علشان مليان طيابة
في زمان غريب غرابة
زمن بقى كله شر
بقى وجع الناس شطارة
يا خسارة ومية خسارة
جرح الأغراب مرارة
وجرح الأحباب أمر
إتوجع القلب يابا
علشان مليان طيابة
في زمان غريب غرابة
زمن بقى كله شر
بقى وجع الناس شطارة
يا خسارة وميت خسارة
جرح الأغراب مرارة
وجرح الأحباب أمر
وانا حظي دايمًا في البشر نوعية خاينة
مهما تعاشرهم بالأصول، العشرة هاينة
لا ضمير ولا إحساس ولا، ولا نية باينة
ده أنا عيشت أقدم في العسل وأسقيه بإيدي
مع ناس بإيديها بتزرع المر فوريدي
في زمننا دا هي كدا الحسابات يا سيدي
إتوجع القلب يابا
علشان مليان طيابة
في زمان غريب غرابة
زمن بقى كله شر
سنين وسنين بدوَّر
عاللي يجي يا ناس ينوَّر
جراح قلبي اللي دايب
سنين وسنين بجرح
ما بقتش بحس بفرح
حتى في حضن الحبايب
سنين وسنين بدوَّر
عاللي يجي يا ناس ينوَّر
جراح قلبي اللي دايب
سنين وسنين بجرح
ما بقتش بحس بفرح
حتى في حضن الحبايب
أنا دنيا جوَّا دنيا
لو قادت نورها ثانية
بتعيش في ظلام سنة
سيبوا الأفراح مفارقة
مبقتش معايا فارقة

مصطفى كامل يتصدر التريند بسبب مرضه

وفي تارة اخرى تصدر مصطفى كامل التريند أيضا بسبب تعرضه لأزمة صحية وذلك الأمر الذي ثار خوف محبيه ومتابعيه،وكان مصطفى كامل تعرض لـ  بعض الآلام على حسب المصادر المقربة له واعتقد إنه يعانى من أزمة قلبية إلا أنه بعد الفحوصات الخاصة به اتضح إنه يعانى من هلع عصبى.