بعد تصدره للتريند.. بهاء سلطان يتخطى المليون مشاهدة بـ "دلوقتي عجبناكو"

تصدر الفنان بهاء سلطان تريند "جوجل" بالسعودية، وذلك بعد ساعات من طرحه أغنيته الجديدة "دلوقتي عجبناكو" وتخطيها المليون مشاهدة. 

وكان الفنان بهاء سلطان، قد طرح أغنيته الجديدة "دلوقتي عجبناكو"، منذ يومين، وتخطت المليون مشاهدة عبر موقع الفيديوهات الشهير يوتيوب  ولاقت تفاعلًا كبيرًا من جمهوره ومتابعيه، الذين أبدوا إعجابهم الشديد بكلمات الأغنية وبصوته العذب.

نجاح أغنية "دلوقتي عجبناكو" لبهاء سلطان

تعد هذه الأغنية هي أولى التعاون بين الفنان بهاء سلطان وشركة روتانا، ووصل عدد مشاهدات أغنية "دلوقتي عجبناكو" أكثر من 1.5 مليون مشاهدة على موقع الفيديوهات الشهير يوتيوب، وتفاعل معها الجمهور، وقاموا بمشاركة مقاطع منها، من خلال حساباتهم الشخصية على موقع التواصل الاجتماعي “فيسبوك” وتيك توك.

طاقم عمل أغنية "دلوقتي عجبناكو"

أغنية "دلوقتي عجبناكو" من كلمات منة القيعي، وألحان عزيز الشافعي، توزيع أحمد عادل، ميكس ماهر صلاح، ماستر جلال حمداوي، والأغنية من إنتاج شركة روتانا.

كلمات أغنية "دلوقتي عجبناكو" لبهاء سلطان

دلوقتي عجبناكوا.. ما كنا حلوين ومعاكوا.. فجأة الشوق أهو جابكوا.. طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.
دلوقتي بقينا فلة.. ده إنتوا كسرتوا ورانا قلة..ومشينا وسيبناها على الله.
كده فجأة وجعناكوا..!!
عارفين أيوه قسينا.. نفشنا ورانا رمينا.
دنيا بنت لذينة.. يوم سلف.. يوم دين
والله مش ندية.. ولاعند ولا أذية.
أصل المواضيع ديا.. خلصت من سنتين.
دلوقتي إتقدرنا.. ده إحنا ياما إتكدرنا.
يلا قدركم وقدرنا..تيجوا بعد ما ننساكوا.
دلوقتي عجبناكوا...؟
ما كنا حلوين.. ومعاكوا..!!
فجأة الشوق أهو جابكوا..طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.

بهاء سلطان وأشهر أغانيه هذا العام التي تصدرت التريند 

ويذكر أن الفنان بهاء سلطان قد طرح أغنية جديدة بعنوان "أنا غلطان" مطلع هذا العام والتي لاقت تفاعل كبير جعلها تتصدر التريند، حيث وصفها الجمهور حينها بأنها جاءت مطابقة لوصف حالتهم مما يمرون به خلال تجاربهم العاطفية.

كلمات أغنية "أنا غلطان" لبهاء سلطان

وأنا غلطان عشان حبيت وبيِّنت إهتمامي بيك
عشان كده يعني بقيت ما انفعشِ
ومن نظرك نزلت ما بقيتش لايق ليك
وكان مفروض ما أحبكشِ
ولو حبيت ما أبينشِ
ودي الوقت خلاص همشي
أنا وقلبي اللي ذايب فيك
وليه طيب عشان طيب
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه ثاني
وليه طيب، آه 

عشان طيب 
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه ثاني
بتخسر حب مش سهل تلاقيه ثاني
مافيش أسباب
أنا اللي اختارت من الأول أعيش في عذاب
ألومك ليه وأقول لك إيه
ما أنا اللي جريت ورا وهم وطلع كذاب
تعبت كثير وبتألم يا رب أفوق وأتعلم
ومن بكرة أنا وإنت هنتقابل ولا الأغراب
وليه طيب عشان طيب
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه ثاني
ليه طيب

عشان طيب 

عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه ثاني
بتخسر حب مش سهل تلاقيه ثاني