"رموني في الزبالة بعد ولادتي" أبرز تصريحات يوسف منصور بالستات ميعرفوش يكدبوا

حل الفنان القدير يوسف منصور في ضيافة برنامج "الستات ميعرفوش يكدبو" وأدلى من خلال البرنامج بتصريحات هامة تخص حياته الفنية والشخصية، كما تحدث عن بداياته وعبر عن وجهة نظرها في أشياء مختلفة مما جعله يتصدر التريند عقب إذاعة الحلقة مباشرة. 

مواقف غريبة واجهت يوسف منصور منذ ولادته

صرح يوسف منصور عن أغرب موقف وابتلاء قابله وهو رضيع وقال: "ولادتي كانت متعثرة على حد قول أمي والدكتور جه بيسال ننقذ مين فجدتي قالت بنتي، فاما طلعت كنت غامق أو ي فرموني بالزبالة وانقذو ماما وبعدها الدكتور حكالي بعد ١٨ سنة أن هما حبوا يشوفوا انا اتوفيت من ايه فقعدوا يضربوا فيا لغايه ما طلعت صوت وعرفوا اني مموتش واهلي كانو هيسيبوني ويمشوا".
 

يوسف منصور يكشف عن سر اختفائه وحكايات مرضه

كشف يوسف منصور عن سر اختفائه وقال: "في ٢٠٠٦ حصلي مشاكل صحية فعلى مدار ٣٠ سنه حصلي تاكل في المفاصل ايدي مبتترفعش ورجلي مبتمشيش فكانو بيعملولي عمليه عشان اتحرك فجالي احباط واكتئاب وعرفنا بعدها ان رجلي ممكن تجدد التأكل إلى حصل، وبعدها ب ٦ شهور لقيت نفسي بمشي تاني"

يوسف منصور يحكي قصته مع مرض السرطان

قص يوسف منصور عن تجربته مع مرض السرطان وقال: "اتعالجت منه دون كيماوي بسبب الخلايا الجزعية والناس فاهمه الخلايا الجزعيه غلط، وروحت لمجال ده بسبي المعجزات إلى شوفتها ومفيش في الطب حاجه اسمها دكتور خلايا جزعية، بالمناسبة الكيماوي بيضعف الجهاز المناعي والسرطان محتاج جهاز مناعي قوي ودي هي المشكلة".

يوسف منصور يكشف سبب الاستعانه بالفلين في قبضة الهلالي 

قال يوسف عن السبب: "المخرج شاف فيلم صيني وكان عايز يعمل زيه وقولتله بلاش انط خلينا نتخانق معاهم مرضيش وساعتها قال انا إلى هقول وانا إلى هعملل واجيال واجيال اتكلكت بعدها على المشهد ده". 

يوسف منصور يكشف عن حياته العاطفية 

كشف يوسف منصور عن السبب وقال: "ضيعت حب حياتي من ايدي ومكنتش واخد بالي، ومكنتش واخد بالي من اغنيه انا قلبي ليك ميال واغنية قبل النهاردة بسمعهم دلوقتي بندم وعايزه افول للشباب إلى بتغرهم النجومية احنا جينا بلا ولا حاجه وهنمشي بولا اي حاجة برضه".

 

سي بي سي تروج عن حلقة يوسف منصور
 

روجت الصفحة الرسمية لقناة CBC عبر موقع التواصل الاجتماعي فيسبوك عن حلقة يوسف منصور وكتبت: "بعد فترة من الغياب.. الفنان يوسف منصور في ضيافة الستات مايعرفوش يكدبوا يحكي عن رحلته في عالم الفن والرياضة وتجربته مع مرض السرطان انتظرونا 3 عصرًا على CBC".

آخر أعمال يوسف منصور

يذكر أن آخر أعماله هوو فيلم "بدر" من بطولته مع إنجي عبد الله ولطفي لبيب وفايق عزب ومحمد توفيق وكمال السيد".

تدور أحداث الفيلم حول قدوم مطربة عربية إلى (مصر) من أجل إحياء سهرة فنية. وفي خضم ذلك ستتوصل السلطات الأمنية إلى معلومات بالغة الأهمية، تفيد أن هنالك جهات خفية، تخطط لاغتيال المطربة بهدف ضرب السياحة في (مصر)، وللتصدي لهذا التهديد سيُكلَّف الحارس الشخصي (بدر) بحراسة ضيفة (مصر) من أي خطر قد يهدد سلامتها، وسرعان ما ستتطور العلاقة بين المطربة وحارسها الشخصي لتطغى عليها العاطفة.