هيثم شاكر يطرح أحدث أغانيه "أعدائك كترت"

طرح الفنان هيثم شاكر أحدث أغانيه التي تحمل عنوان "أعدائك كترت" وذلك عبر قناته الرسمية على موقع الفيديوهات الشهير "يوتيوب".

تفاصيل الأغنية   

الأغنية من كلمات معتز الامام والحان محمود انور وتوزيع وسام عبد المنعم وميكس ماستر شريف ميكاوي وجيتار احمد حسين.

كلمات الأغنية

اعدائك كترت ياسبب
في أن الناس سهرت 
يتكلموا عنك اكمنك
حلو تالت ومتلت
قاعدين بيتابعوا 
واحد ميجوش واحد ولا ربعه
بيدورا على إلى مخليني ماسك فيك ومتبت
فيك شئ ملفت بتخلي الناس كده تسكت
واما بيجوا يحفظوا
على التفاصيل بالمللي كده حافظينها
اصل انت سابقهم وجمالك زاد وضايقهم
والعين مبتكرهش غير إلى يكون عالي
أو أحسن منها 

ترويج هيثم شاكر للأغنية

طرح المطرب هيثم شاكر البوستر الترويجي لأحدث أعماله الغنائية التي تحمل اسم "أعدائك كترت" عبر حسابه الرسمي على موقع التواصل الاجتماعي "انستجرام" وكتب:" قريبًا هيثم شاكر اعدائك كترت". 

هيثم شاكر يتحدث عن بداياته في الوسط الفني

تحدث هيثم شاكر خلال الحلقة مع منى الشاذلي عن بداياته وكشف أن دخوله للفن كان صدفة وبسبب صديقه الذي يدعى "عمرو" وكان يظن أن الطريقة التي ساعده بيها صديقه فخ ولكن الحظ حالفه ونجح في إثبات نفسه فقال وهيثم: "في يوم جالي واحد صاحبي قالي في شركة انتاج فتحت جمب بيته وبيعملو البوم كوكتيل وبيدوروا على أصوات جديدة" 

وتابع: "لقيت صاحبي بيقولي انا خدت الرقم بتاع المنتج عشان تكلمه وتروح، وخدت الرقم قعد معايا ٥ شهور لاني كنت متردد بس بعد ما كلمته قالي كلمني بعد شهر فحسيته بيفسحني".

وأضاف: "كلمته فعلا بعد شهر قالي انا فاكرك وتعالى بكرة وغنيت قدامهم وبعدها قالي مبروك انت معانا وبنعمل ألبوم كوكتيل في حكيم وحميد الشاعري وكنت فرحان أو ي لان اول اغنيه اعملها في حياتي من توزيع حميد الشاعري والالبوم عبارة عن أغنيتين من حكيم واغنتين من حميد و٧ اغاني للاصوات الجديدة كل واحد فينا أغنيه "

آخر أعمال هيثم شاكر  

ومن جهة آخرى، يعتبر آخر أعمال هيثم شاكر هي أغنية "أتعدى حدودي" من كلمات نادر عبد الله وألحان محمد يحيي وتوزيع وتسجيل أحمد إبراهيم.

كلمات" أتعدى حدودي"  

آه، يا قلبي ع اللي لما عدى
جنبي روحت فيها في المعاد ده
عقلي جاب وودى توهت وأنا وياه
ألف ضمة فوقها ألف شدة
نفسي أضمهاله مرة واحدة
حالة مستجدة كان سببها لقاه
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى
رمشه زي طعم روحت بالعه
جابني بيه يوميها ويا دلعه
شوق ولهفة ولعوا فيا وأعمل إيه؟
بصة منه لما وراهالي
هز فيا زي فولت عالي
إيه هيجرى ليا لو لمست إيديه؟
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى