تامر حسني يطالب بالتبرع لمرضى ضمور المخ

نشر الفنان تامر حسني صورة لأحد الأطفال مصابي مرض ضمور العضلات، وحث جمهوره على المساهمة في علاج هذا المرض كمبادرة منه، وذلك عبر حسابه الشخصي بموقع التواصل الاجتماعي "فيسبوك".

وعلق تامر حسني قائلًا: "يا جماعه مرض ضمور العضلات منتشر جدًا في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع ٣٠ جنيها بس هيساهم في احياء طفلة في لحظة واحدة طفلة بتتعذب كل لحظة هي واهلها،، امنية حياتي والله العظيم دلوقتي، يتعمل ابليكيشن تحت رعاية الدولة وتتسمى ((المليون اخ)) وتبقى على تليفونات الناس اللي هتتبرع مليون واحد هتجيلهم رسالة حسب خطورة المرض ونوعه وتكلفته العامة والمطلوب منه وفي سيستم يقدر يدخل بنفسه يشوف اسمه وتبرعه راح فين وان المريض اتعالج خلاص وتجيله رساله شكرًا صدقتك احيت نفس بل اسرة كامله.. انا كفنان جاهز لأي جهه هتتبنى الفكرة دي اني اكون داعم ليها ومعلن عنها لو الجهه محتاجه ليا شخصيًا أو لصوتي ان شالله أنزل ألم التبرعات بنفسي واخبط على بيت بيت وده لوجه الله ولخدمة شعبنا واهالينا المحتاجين".

وأضاف تامر حسني: "اللي هيشترك،،، مره هيدفع ١٠ جنيه … مره خمسه …. مره ٣٠ اقصى حاجه ٤٠ جنيها لان حقنة علاج المرض دا ب ٤٠ مليونا ودي اغلى حاجه تخيلوا لما ب ٤٠ جنيها بس تنقذ روح بني آدم يعني هتدفع صدقه وهتنقذ روح وانت في بيتك والصدقه فيها اجر عظيم تحمي نفسك بيها تحمي ولادك وكل اللي بتحبهم وتبقى صدقه جاريه في كل حياتك …. قيمة الصدقه عند ربنا كبيره أو ي أو ي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحًا من رحمة ربنا … يارب حد يسمعني".

واختتم تامر حسني: "وكدا باذن الله مش هيكون في مريض محتاج.. ولو عندنا مشاكل كتير في مجتمعنا آدينا بوحدتنا وبحبنا لبعض بنشيل مشكلة منهم".

أخر حفلات تامر حسني

واختتم النجم تامر حسني صيف ٢٠٢٢ بأقوى الحفلات الجماهيرية بالساحل الشمالي وسط الآلاف من محبيه، وغنا أكثر من ساعتين وتفاعل معه الجمهور بحماس كبير، وتحديدًا على أغنياته الأخيرة “هدلعني” و"ليه طله" و"خدنا مناعة" و"حبيتها يا ناس" و"مبجيش بالطريقة دي"، بالإضافه لأشهر أغانيه “كل مره” و"بنت الإيه" و"أكتر حاجة" و"يانا يا مفيش" و"اختراع" و"عيش بشوقك".

وأبهر الفنان تامر حسنى الحضور بأدائه المتميز لأغنيتي “ارجعلي” و"كفاياك أعذار"، وكانت حفلة النجم تامر حسني الأكثر جماهيرية والأعلى بيعًا وسط جميع حفلات صيف ٢٠٢٢.

أخر أعمال تامر حسني الغنائية

ومن ناحية أخرى يذكر أن أخر أغاني الفنان تامر حسني أغنية "أنت اختيار"، وهي من كلمات فاروق رشاد وألحان تامر علي توزيع وميكس يحيي يوسف ماستر على فتح الله.

أخر أعمال تامر حسني السينمائية

وعلى الصعيد الآخر طرح الفنان تامر حسني مؤخرًا فيلم "بحبك" ليشارك بيه في موسم عيد الأضحى السينمائي 2022.

أبطال فيلم "بحبك"

فيلم «بحبك» من تأليف وإخراج تامر حسني، في أولى تجاربه بالإخراج السينمائي، ويشارك في بطولة العمل كلًا من: حمدي الميرغني، هنا الزاهد، هدى المفتي، مدحت تيخة،  شهد الشاطر، عالية راشد، وعدد آخر من الفنانين.

قصة فيلم "بحبك"

وتدور قصة فيلم "بحبك" حول شخص يدخل في قصة حب مع فتاة قبل أن يدخل في قصة حب جديدة في نفس الوقت ويتخبط الشخص الذي يؤدي دوره الفنان تامر حسني حياة غير سوية بين الفتاتين، والتي تظهر كيفية الاختلاف ومدى صدق التعبير عن الحب بين الرجال والسيدات.