عفاف شعيب: واحدة عملتلي سحر عشان جوزي يسيبني.. وما اتجوزتهوش علشان الفلوس

تحدثت الفنانة الكبيرة عفاف شعيب، عن تعرضها للسحر وزوجها رجل الأعمال رياض العريان، وذلك خلال استضافتها في برنامج "كلام الناس" الذي تقدمة الإعلامية ياسمين عز،  على قناة Mbc مصر.

عفاف شعيب: واحدة عملتلي سحر عشان زوجي يسبني

وقالت عفاف شعيب: "واحدة عملتلي سحر عشان جوزي يسيبني وتخطفه مني، ولكن أنا قولت يا رب إنت وكيلي وبالفعل العربية اتقلبت بيها وعايشة طول عمرها عاجزة لأن عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص.. زي المسلسل العقد بينتهي بعد ما بيخلص".

عفاف شعيب: عمري ما أخدت فلوس من رياض العريان 

وأكملت حديثها قائلة: "عمري ما أخدت فلوس من زوجي رياض العريان زي ما الناس بتقول إني تزوجته عشان الفلوس.. بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير ويصل لـ 45 ألف جنيه، وطلبت اني أستلف منه الفلوس ورفض وقالي عربيتك حلوة مش محتاجة تغيريها.. وربنا بعتلي شغل والحمد لله جبت العربية من فلوسي".

ووجهت الإعلامية ياسمين عز، سؤالا للفنانة عفاف شعيب، قائلة: "فيه مواقف غيرة حصلت معاكي؟"، لترد قائله: "حصل كثير"، مضيفة: "أول بداية حياتي الفنية اختاروني أعمل دور لبنى في قيس ولبنى، وفي الأول عرضوا عليا دور ثالث، ولما شافوني كويسة أعطوني الدور الثاني، فقالت لهم زوز نبيل ومحمود المليجي أنتوا معاكم صاروخ تمثيل ورايحين تدوروا على لبنى، ورشحني لدور البطولة".

وأضافت: "عملت دور لبنى وفي أول يوم تصوير حد معين طلع عليا إشاعة أن وشي مش حلو على الشاشة، والجميع تعجب منها وبالرغم من كده المسلسل كسر الدنيا".

عفاف شعيب: لا أهتم بمن يطلق عليا الشائعات

وأشارت الفنانة عفاف شعيب: “لا أهتم بمن يطلق عليا الشائعات لأني لو اهتميت هتعب نفسي وصحيا لذلك بشتري دماغي”.

أخر أعمال عفاف شعيب

يذكر أن آخر أعمال الفنانة عفاف شعيب حكاية "واحد في المية" من مسلسل "زي القمر"، مع صابرين ومدحت صالح، من تأليف فداء الشندويلي وإخراج أحمد شفيق.