بعد تصدره للتريند.. تعرف على مشاهدات أغنية "روما" لفريق كاريوكي
تصدرت أغنية "روما" لفريق كاريوكي تريند محرك البحث الشهير "جوجل"، وذلك بعد طرحها أمس، وفي السطور التالية يرصد "الفجر الفني" مشاهدات أغنية "روما" وبعض التفاصيل عنها.
وطرح فريق كاريوكي مساء أمس أغنية جديدة بعنوان "روما" ولاقت تفاعلًا كبيرًا من جمهورهم ومتابعيهم حيث تداولها رواد مواقع التواصل الإجتماعي عبر خاصية الستوري.
أغنية روما وتصدرها التريند وعدد مشاهداتها
تصدرت أغنية "روما" تريند جوجل وبلغت عدد مشاهداتها عبر قناة فريق كايروكي على موقع الفيديوهات الشهير يوتيوب أكثر من 220 ألف مشاهدة وأكثر من 23 ألف إعجاب، حيث أصبحت المحتوى الرائج رقم 4 على يوتيوب.
طاقم عمل أغنية "روما" لفريق كاريوكي
الأغنية من كلمات أمير عيد، وألحان وتوزيع كاريوكي، إنتاج موسيقى وميكساج ساري هانس، ماسترينج راندي ميريل، رسوم محمد مصطفى، تحريك طارق شاهين.
فريق كاريوكي
آدم الألفي، أمير عيد، تامر هاشم، شريف الهواري، شريف مصطفى، إدارة أعمال أحمد مدحت، مساعد إدارة أعمال كريم شريف.
كلمات أغنية "روما" لـ فريق كايروكي
بصيت في المرايه لقيتني معرفنيش
أنا ابن انهاردة ولا أنا ابن الماضي
واحد واقف قصادي مش سايبني اعيش
كتبلي الرسالة بيقول فيها الآتي
أما بعد هبدأ الكلام بوعد
هفضل معاك لو انت رعد انا برق
انا رعب أنا الماضي الصعب
انا انت لما وقعت
لما الشيطان وزك وسمعت
لما اتعميت ولقلبك بعت
أنا الألم اللي في قلبك انا قلم كتب نعيك أنا
أنا قلم علي خدك أنا اللي هنتك كسرتك أنا
أنا علم على أرضك محتل فاكرني حررتك أنا
مهما تكبر أنا أصلك أنا جذور شجرتك أنا
بحاول ومش بايدي أنا عارف انك مش حقيقي
بشاور علي بكرة ومش بيجي يمكن تنساني واكون أنا
اتولدت في ضلمة فطلعت شمعة
ممكن ابقي نور وممكن أبقى ولعة
الدنيا اختبار واحنا زي النار
هنور ولا هنحرق احنا اللي بنختار
انا جوة مني فكرة عايزه تحبسني
الدنيا ادتني قلم غير الألم اللي في جسمي
مسكت بايدي القلم غرزته جوة نفسي
رسمت بيه لوحة مضيت تحتها اسمي
اسمع
غرزت جامد جوة نفسي بغرق
بحفر في اللاوعي بحاول ادرك
نفوخي شجره عمرها ١٠٠ سنة
كل مادي بتتفرعن بقرب للسما
جذوري ببتدفن بنسي مين أنا
بحاول افتكر والذكريات مؤلمة
بخدر في الضمير بسكن في النفوخ
جوة مني أسئلة كتير محاوطها الخوف
بحبك ولا دي كدبة عايشها من زمان
يمكن أناني بحب نفسي عشان انتي الامان
بشوف نفسي بعيني ولا بعيون الناس
يا تري أنا كداب ولا صادق في الإحساس
مهدئات مسكنات بتشطب عالأسئله
الدنيا هيروين والشخصية مدمنة
بحود شمال يمين عشان أهرب من التروما
بس كل الطرق بتأدي إلى روما
بحاول ومش بايدي أنا عارف إنك مش حقيقي
بشاور علي بكره ومش بيجي
يمكن تنساني وأكون أنا
